Кыргыз Республикасынын Билим берүү жана илим министри У. Э. Мамбетакунов Талас мамлекеттик университетинин профессордук-окутуучулар жамааты менен жолугушту

Бүгүн Талас мамлекеттик университетинде Кыргыз Республикасынын Министрлер Кабинетинин Төрагасынын орун басары Э. Ж. Байсалов, Кыргыз Республикасынын Билим берүү жана илим министри У. Э. Мамбетакунов, Кыргыз Республикасынын Президентинин Талас облусундагы ыйгарым укуктуу өкүл
Б. Н. Нарбеков Талас мамлекеттик университетинин профессордук-окутуучулар жамааты менен жолугушту. Алгач жогорку окуу жайы жөнүндө ролик көрсөтүлүп, андан кийин Кыргыз Республикасынын Министрлер Кабинетинин Төрагасынын орун басары Э. Байсалов билим берүү системасына жүргүзүлүп жаткан реформаларга токтолуп, аны ишке ашырууда жогорку окуу жайларынын ролу, окуу жайлар ортосундагы кызматташтык, интеграция, мобилдүүлүк, заманбап талаптардталаптар жөнүндө белгилеп өттү. Андан кийин Кыргыз Республикасынын Президентинин Талас облусундагы ыйгарым укуктуу өкүлү Б. Н. Нарбеков Талас облусундагы билим берүү тармагындагы, Талас мамлекеттик университетиндеги көйгөйлүү маселелерге токтолуп, университеттин материалдык-техникалык шарттарын жакшыртуу жөнүндө келечектеги ой-максаттары менен бөлүштү. Кыргыз Республикасынын Билим берүү жана илим министри
У. Э. Мамбетакунов билим берүү системасында билим берүүнүн сапатын көтөрүү, квалификациялык сапаттарды жогорулатуу, мектеп менен ЖОЖдор ортосундагы өнөктөштүк кызматташууну жакшыртуу, билим берүү процессин санариптештирүү, билим берүүнүн заманбап талаптарын аткаруу ж.б. орчундуу максат-милдеттерди баса белгиледи. Жолугушуунун кийинки бөлүгү суроо-жооп форматында өтүп, КРнын билим берүү жана илим министри У. Э. Мамбетакунов катышуучулар тарабынан берилген суроолорго жооп берип, айтылган сунуш-пикирлерди кабыл алды. Жолугушуунун соңунда ТалМУнун ректорунун милдетин убактылуу аткаруучу С. С. Жумалиев конокторго окуу жайдын жалпы эмгек жамаатынын атынан ыраазычылык билдирип, аймактардагы окуу жайларга да көңүл бурулуп жатышы мугалимдердин ишине шык-дем берерин баса белгиледи.

Прокрутить вверх