Адабият күнү — Айтматов күнү

12-декабрь Адабият күнүнө жана кыргыздын залкар жазуучусу Ч.Т.Айтматовдун 89 жылдыгына карата «Айтматовдук окуу” аттуу облустук деңгээлдеги эскерүү иш-чарасы Талас шаарындагы Ч.Айтматовдун айкелинин алдындагы аянтта болду. Бул эскерүү иш-чарасына КР Өкмөтүнүн Талас облусундагы ыйгарым укуктуу өкүлү Мураталиев Марат Молдалиевич жана облустук, шаардык мекеме-уюмдардын жетекчилери, билим берүү мекемелери катышты. Талас мамлекеттик университетинен ректор А.Ш.Упенов, мамлекеттик тил боюнча проректор С.С.Жумалиев, технология-экономика факультетинин деканы И.А.Рыскулбеков, табият таануу жана педагогика факультетинин деканы У.Ж.Мырзабекова, гуманитардык факультеттин деканы Ж.Абдиева жана кыргыз тили жана адабияты кафедрасынын башчысы Т.Айталиева, аталган кафедранын окутуучулары жана төрт түзүмдүк бөлүмдөрдөн 100 студент катышып, университеттин студенттери Ч.Айтматовдун чыгармалары боюнча көркөм окушуп, Айтматовго арналган ырларын окушту.
Бул иш-чаранын экинчи бөлүгү Талас мамлекеттик университетинин жыйындар залында «Айтматовго таазим” аттуу адабий-музыкалык кече түрүндө уланды. Облустук мекеме-уюмдарда, билим берүү тармагында иштешкен мамлекеттик тил боюнча адистер дагы кечеге катышты. Анда ТалМУнун ректору А.Ш.Упенов, КР Президентине караштуу Мамлекеттик тил боюнча улуттук комиссиянын билим берүү бөлүмүнүн башчысы А.О.Ишеналиева, КР Өкмөтүнүн Талас облусундагы ыйгарым укуктуу өкүлчүлүгүнүн мониторинг жана социалдык иштер бөлүмүнүн башчысы Б.Тагайматова бул даталуу күндүн маани-маңызын айтып өтүштү. Андан соң Ч.Айтматовдун ырлары ырдалып, чыгармаларынан көркөм окулуп, Ч.Айтматов тууралуу видео тасма көрсөтүлүп, “Жамийла”, “Бетме-бет”, “Кылым карытар бир күн” чыгармаларынан сахналык көрүнүштөр аткарылып, студенттердин Ч.Айтматовго арналган ырлары окулду.

Прокрутить вверх