Кыргызстандагы Түркия Элчилигинин Билим берүү кенешчилиги менен Талас
мамлекеттик университетинин ортосунда келишим түзүлдү

Түркия Республикасынын Улуттук Агартуу министрлиги менен Кыргыз Республикасынын Билим берүү жана илим министрлигинин ортосундагы 1996-жылдын
28-июнунда кол коюлган Агартуу жана илим тармактарында кызматташтык Макулдашуусунун 2-беренесиндеги Кыргызстанда түрк тилин окутуу борборунун ишин жайылтуу максатында Кыргызстандагы Түркия Элчилигинин Билим берүү кенешчилиги менен Талас мамлекеттик университетинин ортосунда келишим түзүлдү. Келишимге Билим берүү кенешчиси Харун Каржы жана ТалМУнун ректору А.Ш.Упенов кол коюшту. Мындан сырткары ТIKA-Түрк Кызматташтык жана координация агенттигинин координатору Осман Уста, Түрк окуу борборунун директору Али Кылыч катышышып, алдыдагы кызматташуунун негизги максаты, пландары тууралуу сөз кылышып, окутуучулар менен пикир алышышты. Окуу корпустарындагы лабораторияларды жана түзүлө турган түрк окуу борборун да көрүшүп, өз ойлорун айтышып, сунуштарын билдиришти. Жолугушуу абдан кызыктуу өттү. ТалМУнун пресс кызматы.

Прокрутить вверх