Байрагыбыз түбөлүк желбирей берсин!Жыл сайын 3-март Кыргыз Республикасынын Туу күнү катары республикабызда белгиленип келет. Улуу күндү утурлай Талас мамлекеттик университетинде да Кыргыз Республикасынын Туу күнүнүн 30 жылдыгына карата Туу күнү өткөрүлдү. Иш-чарага окуу жайдын окутуучулары жана студенттери катышышты. Алгач ТалМунун ректору А.Ш.Упенов куттуктоо сөзүн сүйлөп, иш-чараны ачык деп жарыялады. Мамлекеттик гимн ойнолуп, андан соң гуманитардык факультетинин деканы Ж.К.Абдиева,студенттик парламенттин президенти Ж.Токтосунова куттукташып, майрам маданий программалар менен коштолду. Бул күнгө карата ТалМунун структуралык бөлүмдөрүндө кураторлук сааттар, тегерек столдор өткөрүлүп , флешмобдор тартылды. Өткөрүлгөн иш-чараны ТТП факультети уюштурушса,гуманитардык факультетинин окутуучулары т.и.к.доценттер А.С.Усубалиева, Э.К.Кулова тегерек стол өткөрүшүп, чебер класстарды уюштурушту. Уюштурулуп жаткан иштер жогорку деңгээлде өткөрүлдү.