Жаңылыктар
ТалМУнун Гуманитардык факультетинин Орус тили кафедрасы уюштурган облустун орус тили мугалимдерине «Пушкин Айтматовдун мекенинде» деген темада сынак жарыяланып, КР эл мугалими Бектур Исаков атындагы окуу-тарбия комплексинин орус тили мугалими Назаркулов Автандил агайыбыз сынактын 10 жеңүүчүсүнүн катарында болду. Агайыбыз ноутбук, интерактивдүү доска, китептер менен сыйланды. ТалМУнун орус тили кафедрасына терең ыраазычылык билдиребиз. Агайыбызга бекем ден-соолук, ишинде ийгиликтер боло берсин.
КР эл мугалими Бектур Исаков атындагы окуу-тарбия комплексинде сыймыктуу окуя!
Мектептин 11-классынын мыкты окуучусу Буракбаева Татына, ошондой эле 10-класстын окуучулары Кайнарбек Атай жана Кушубакова Жаңылмырза өлкөбүздөгү жаштарды колдоого арналган маанилүү демилгеге катышышты.
А. Салымбеков атындагы фонд тарабынан уюштурулган «Кыргызстандын мыкты окуучусу» наамына татыктуу болуп, төш белги, диплом жана баалуу белектер менен сыйланышты. Бул сыйлык — алардын тынымсыз эмгегинин, билимге болгон куштарлыгынын жана үлгүлүү жүрүм-турумунун жыйынтыгы.
Биз бул жаштарды чын жүрөктөн куттуктап, келечекте эл кызматында, өлкө өнүгүүсүнө салым кошо турган инсандар болот деген ишенимибизди билдиребиз. Алардын жетишкендиктери башка окуучуларга да шыктандыруучу өрнөк болору талашсыз.
Жарык келечек сиздер менен болсун, жаш лидерлер!
Биздин окуучулар Билим тал коомдук уюму тарабынан уюштурулган «Мыкты окуучу» сынагына активдүү катышып, 10- класстын окуучусу Кушубакова Жанылмырза «Мыкты окуучу» төш белгиси менен жана стипендианты болду. 11- класстын окуучусу Буракбаева Татына жана 8- класстын окуучусу Анарбаева Раяна сертификат менен сыйланышты. Окуучуларыбызга кен келечек, окууларында жетишкендик, бекем ден-соолук каалайбыз!
