Акыркы жанылыктар

2021-жылдын 10-сентябрында Талас (Атлах) салгылашуусунун 1270 жылдыгына карата “Талас салгылашуусу жана анын тарыхый мааниси” аттуу эл аралык илимий-практикалык конференция болуп өттү. Бул конференция Талас мамлекеттик университети тарабынан демилгеленип уюштурулуп, Кыргыз Республикасынын Президентинин Аппараты, КРнын Билим берүү жана илим министрлиги, КР Президентинин Талас облусундагы ыйгарым укуктуу өкүлчүлүгү, Талас шаарынын мэриясы, КР Президентинин Аппаратына караштуу Кыргызстан элдеринин тарыхый жана маданий мурастарынын “Мурас” фонду, “Кыргыз тарых коому” эл аралык коомдук бирикмеси, Түрк дүйнөсүнүн муниципалитеттер союзу, Туркия Республикасынын Мармара университети, “Мурас кыймылы” коомдук бирикмеси, “Айтыш” Республикалык коомдук фонду менен биргеликте өткөрүлдү. Аталган эл аралык конференцияга Кыргыз Республикасынын Президентинин кеңешчиси А.К.Койчуев, КР Президентинин Администрациясынын жарандык коомдун институттар менен өз ара аракеттенүү, дин иштери жана этностор аралык мамилелер боюнча бөлүмүнүн башчысынын орун басары О.Э.Капалбаев, КР Президентинин Талас облусундагы ыйгарым укуктуу өкүлү Б.Н.Нарбеков, Талас шаарынын мэри А.А.Шабданов жана өнөктөш тараптардын өкүлдөрү, Түркиянын, Россиянын, Казахстандын, Өзбекстандын, КР УИАнын, Ж.Баласагын атындагы КУУнун, ЖаМУнун, ОшМУнун тарыхчы-окумуштуулары, Талас мамлекеттик университетинин профессордук-окутуучулар жамааты, Талас облусундагы тарых мугалимдери, тарых изилдөөчүлөрү катышышты. Бул иш-чара К.Медетбеков атындагы облустук музыкалык драма театрында өткөрүлүп, тарыхый-этнографиялык көргөзмө уюштурулду. Конференцияны Талас мамлекеттик университетинин ректору, профессор А.Ш.Упенов расмий ачып, катышуучуларга атайын тартылган видео тасма көрсөтүлүп, андан кийин куттуктоолорго кезек берилип КР Президентинин кеңешчиси А.К.Койчуев Кыргыз Республикасынын Президенти Жапаров Садыр Нургожоевичтин куттуктоосун окуп, адамзат тарыхына таасир эткен Талас салгылашуусунун бүгүнкү күндөгү маанисин баса белгиледи. Пленардык бөлүктө белгилүү археолог-окумуштуу, тарых илимдеринин кандидаты Б.Э.Аманбаева, тарых илимдеринин доктору, профессор Тынчтыкбек Чоротегин, Анкара университетинин профессору Г.Ж.Жумакунова (Түркия), тарых илимдеринин кандидаты Павел Лурье (Россия), академик А.С.Уалтаева (Казахстан), тарых илимдеринин кандидаты, доцент М.М.Жусупова илимий баяндамаларын окушуп, Талас салгылашуусунун тарыхый ордун, маанисин, Талас өрөөнүндөгү тарыхый эстеликтерге археологиялык изилдөөлөрдү жүргүзүүнүн илимий негиздерин баса белгилешти. Секциялык отурумдар 3 секцияда жүрүп, катышуучулар онлайн жана оффлайн форматта илимий макалаларын окушуп талкуулашты. Конференциянын жыйынтыгы боюнча резолюция кабыл алынып, катышуучуларга сертификаттар тапшырылды. Соңу маданий бөлүк менен жыйынтыкталды. Андан кийин конференциянын катышуучулары Талас салгылашуусу болуп өткөн Манас районундагы Кеңеш айылына сапар улашып, байыркы Атлах шаарынын чалдыбарына барышты. Бул жайдын тарыхый баалуулугун келечек муундарга жеткирүү, сактоо, инфраструктуралык долбоорлорду ишке ашыруу боюнча ой-пикир, сунуштар айтылып, салгылашууда шейит кеткен бабалардын арбагына багышталып куран окулду.

25-августта ТалМУда Кыргыз Республикасынын эгемендүүлүгүнүн 30 жылдыгына карата “Манас” эпосу – кыргыз рухунун туу чокусу” аттуу эл аралык илимий-практикалык конференция болуп өттү. Анын ачылышында КР Президентинин Талас облусундагы ыйгарым укуктуу өкүлүнүн орун басары К.Б.Жанузакова, ТалМУнун ректору А.Ш.Упенов, Россия илимдер академиясынын илимий кызматкери, белгилүү фольклор таануучу Н.В.Петров куттуктоо сөздөрүн айтышып, Кыргыз мамлекеттүүлүгүнүн руханий негизи болгон “Манас” эпосунун маанисин баса белгилешти. Ж.Баласагын атындагы КУУнун профессору, ф.и.д. К.Абакировдун, Кыргыз-Түрк “Манас” университетинин доценти, ф.и.к. К.О.Кулалиеванын, Түркиянын Хажы Бекташ Вели университетинин профессору, илимдин доктору Мехмет Черибаштын, ОшМУнун профессору, ф.и.д. Г.О.Жамгырчиеванын, ТалМУнун доценти, ф.и.к. Т.К.Айталиеванын илимий баяндамаларында “Манас” эпосунун сюжеттик-тематикалык көрсөткүчү, эпикалык ырчылардын мифологиясы, “Манас” эпосунун Кыргыз Республикасынын эгемендүүлүгүнө тийгизген таасири, “Манас” эпосунун кенже эпостор менен сюжеттик катышы, эпостогу кыргыз элинин көз карандысыздык идеялары сыяктуу актуалдуу маселелерге арналды. Соңунда резолюция кабыл алынып, баяндамачыларга сертификаттар тапшырылды.

ТалМУда Кыргыз Республикасынын эгемендүүлүгүнүн 30 жылдыгына арналган “Кыргыз Республикасынын эгемендүүлүгүнө 30 жыл: кечээ, бүгүн жана эртең” аттуу республикалык илимий-практикалык конференция аралаш форматта (онлайн-оффлайн) болуп өттү. Конференцияны ТалМУнун ректору А.Ш.Упенов алып барып, ага КР Президентинин Талас облусундагы ыйгарым укуктуу өкүлүнүн орун басары К.Б.Жанузакова, Талас шаарынын вице-мэри М.Э.Сейдикеримова жана Кыргыз Республикасынын Президентине караштуу Мамлекеттик башкаруу академиясынын, ОшМУнун, ЖаМУнун, ТалМУнун окумуштуулары, окутуучулары катышты. Баяндамачылар: с.и.д., профессор Б.М.Торогельдиева, т.и.к., доцент Г.А.Анарбаева, т.и.к., доцент С.А.Арстанов, э.и.к., доцент И.А.Рыскулбеков, б.и.к., доцент З.М.Ташибекова, ф.и.к., доцент Т.К.Айталиева, т.и.к., доцент Р.А.Конокбаевдер Кыргыз Республикасынын саясий системасынын калыптанышы, эгемендүүлүктүн мыйзамдык негиздеринин тарыхы, эгемендүүлүк мезгилинде Талас облусунун социалдык-экономикалык өнүгүүсү, КРнын саясий өнүгүүсүнө аялдардын кошкон салымы, туризмди өнүктүрүү, “Манас” эпосундагы кыргыз элинин көз карандысыздык жөнүндө идеясы сыяктуу проблемалар козголуп, ой-сунуштар айтылып талкууланды. Конференциянын жыйынтыгында резолюция кабыл алынып, ТалМУнун ректору А.Ш.Упенов тарабынан баяндамачыларга сертификаттар тапшырылды.

ТалМУнун математика, физика жана информатика кафедрасынын ага окутуучусу Кыштообаева Чолпон Асанкуловна “Жогорку окуу жайларында “сандык методдор” курсун окутуунун методикасы” аттуу темада математиканы окутуунун теориясы жана методикасы илимий багыты боюнча кандидаттык диссертациясын 2021-жылдын 23-июнунда ийгиликтүү коргоду. Чолпон Асанкуловнаны илимий ишин ийгиликтүү коргошу менен университеттин жалпы профессордук-окутуучулар жамаатынын атынан чың дилден куттуктап, илим жолундагы бийиктиктерди каалайбыз!

Филология илимдеринин доктору, ТалМУнун профессору Кенжебаев Дайырбек Орунбекович Кыргыз Республикасынын Президентинин алдындагы Мамлекеттик тил боюнча улуттук комиссиясынын “Кыргыз тили” төш белгиси менен мамлекеттик тилди өнүктүрүүгө кошкон салымы үчүн сыйланды.

ТалМУда илимий-техникалык кеңештин отуруму болуп, анда окуу жайдагы илимий долбоорлордун аткарылышы боюнча жетекчилердин маалыматы угулуп, аспирант жана докторанттардын отчеттору угулуп, окуу жайды “университет – 4.0” деңгээлине трансформациялоо боюнча стратегиялык багыттар талкууланды.

ТалМУ Бухара мамлекеттик университети менен эки тараптуу кызматташуу келишимин түздү. Келишим түзүү аземи Бухара мамлекеттик университетинде болуп, аталган эки окуу жайдын ректорлору О.Х.Хамидов жана А.Ш.Упенов меморандумга кол коюшту. Эки тарап сырткы мобилдүүлүк, кош диплом программаларын, биргелешкен илимий-инновациялык долбоорлорду ишке ашыруу, илимий конференцияларды уюштуруу ж.б. багыттарда кызматташуу боюнча макулдашышты. ТалМУ тараптан барган өкүлдөр өз тармактары боюнча кызматташуу пландарына токтолушуп, Бухара мамлекеттик университетинин тиешелүү бөлүмдөрүнүн кызматкерлери менен пикир алышышты. Өкүлдөр окуу жайдын материалдык-техникалык базасы менен таанышып, тарых музейинде болушту. Иш сапардын экинчи бөлүгүндө Бухара шаарынын тарыхый-маданий жайлары менен таанышып чыгышты. Иш сапардын алкагында тажрыйба алмашуу жемиштүү болуп, келишимде белгиленген максаттарды биргелешип ишке ашыруу маселелери такталып сүйлөшүлдү.

ТалМУда предметтик олимпиаданын 2-туру өткөрүлдү. Ага жалпы предметтер боюнча тест, жазуу жана оозеки формадагы тапшырмалар берилип, ар бир предмет боюнча комиссиялар иш алып барды. Бардык процесс санитардык талаптарды сактоо менен жүргүзүлүп, фото жана видеого тартылды. Олимпиаданын 2-турунун ачылышын окуу жайдын ректору А.Ш.Упенов ачып, катышуучуларга ийгилик каалады. Олимпиаданын жыйынтыгында 1,2,3-орундарды алган студенттерге дипломдор ыйгарылып, уюштуруу комитетинин мүчөлөрүнө ТалМУнун грамоталары тапшырылды.

Кыргыз Республикасынын Билим берүү жана илим министри Купешев Болотбек Душекович Талас облусуна жасаган атайын иш сапарында ТалМУга да келип, университеттин профессордук-окутуучулар курамы менен жолугушту. Алгач университет тууралуу видеоролик көрсөтүлдү. Андан соң министр Б.Д.Купешев өз сөзүндө университет 25 жыл аралыгында Кыргызстандын башка жогорку окуу жайларына теңелип, алар менен теңтайлаша алганын өзгөчө баса белгилеп, ушундай деңгээлге жетишине жалпы коллективдин жана ректор-жетекчилердин салымы чоң экенине токтолду. Алдыда жогорку билим берүү системасын трансформациялоо алкагында “Университет – 4.0” моделине көтөрүү маселеси турганын, ал үчүн коллектив белсенип аракеттенүүсү керектигин айтып өттү. Жолугушуунун соңунда ректор А.Ш.Упенов министр Б.Д.Купешевге университеттин профессордук-окутуучулары жамаатынын атынан терең ыраазычылык билдирди.

Бугун ТалМУда 1-июнь Балдарды коргоонун эл аралык кунуно карата арналган иш-чара болуп отту.Иш-чарага ТалМУнун окуу жана илимий иштери боюнча проректору С.С.Жумалиев, мамлекеттик тил боюнча проректору К.Т.Жунусалиева ,Кесиптик кошундун торагасы Э.А.Абдраимов куттуктоо соз суйлошуп,балдарга жаркын келечек каалашты.Майрамга балдар майрамдык маанай менен келишип,оз онорлорун тартуулашты.Алдына ала “Бактылуу балалык” деген темада жарыяланган онлайн кароо сынагынын жыйынтыгы чыгарылып, женуучулорго ТалМУнун Мактоо баракчасы жана белектер тапшырылды.Мындан сырткары балдар ачык асман алдында жер бетине суротторду тартышып,оюн-зоокторго катышышты.Сонунда бардык катышуучуларга бал муздак таратылды.

ТалМУда алгачкы кыргыз интеллигенциясынын көрүнүктүү өкүлү Жусуп Абдрахмановдун 120 жылдыгына арналган “Жусуп Абдрахманов – Кыргыз мамлекеттүүлүгүнүн түптөөчүсү” аттуу республикалык илимий-практикалык конференция болуп өттү. Конференцияга Ж.Баласагын атындагы КУУнун, И.Арабаев атындагы КМУнун, ОшМУнун, ЖаМУнун, К.Токтомаматов атындагы Эл аралык университетинин жана Талас мамлекеттик университетинин тарыхчы-окумуштуулары катышты. Конференцияны ТалМУнун ректору А.Ш.Упенов ачып, Кыргыз Республикасынын Министрлер кабинетинин Талас облусундагы ыйгарым укуктуу өкүлүнүн орун басары К.Б.Жанузакова конференциянын катышуучуларын куттукташып, Ж.Абдрахмановдун Кыргыз мамлекеттүүлүгүнүн калыптанышына кошкон салымын баса белгилеп өтүштү. Конференциядагы баяндамаларда Ж.Абдрахмановдун тарыхый-коомдук орду, эмгеги, мамлекеттик жана саясий ишмердүүлүгү, кыргыз элинин коомдук-маданий турмушуна кошкон салымы, тарыхый-архивдик материалдардагы табылгалар туурасында кызыктуу маалыматтар айтылып, талкууланды. Конференциянын соңунда резолюция кабыл алынып, конференциянын катышуучуларына сертификаттар тапшырылды. Конференцияны гуманитардык факультеттин деканы т.и.к., доцент Ж.К.Абдиева жана т.и.к., доцент М.М.Жусупова уюштурушуп, конференциянын жүрүшүн окуу жана илимий иштер боюнча проректор, ф.и.д. С.С.Жумалиев алып барды.

ТалМУда Кыргызстандын көрүнүктүү коомдук ишмери, жазуучу, драматург, публицист, Кыргыз эл жазуучусу, Кыргызстандын легендарлуу Жогорку Кеңешинин депутаты (1990-1994), Токтогул атындагы мамлекеттик сыйлыктын ээси Казат Акматовдун 80 жылдыгына арналган “Казат Акматов – ачуу чындык, акыйкат сөз” аттуу илимий-тажрыйбалык конференция болуп өттү. Ага КР Өкмөтүнүн Талас облусундагы ыйгарым укуктуу өкүлүнүн орун басары К.Б.Жанузакова, Талас шаарынын мэри А.Ж.Джузупбеков жана Тынчтыкбек Чоротегин, Ч.Субакожоева ж.б. өңдүү белгилүү окумуштуулар, ТалМУнун окумуштуулары, жергиликтүү педагог-изденүүчүлөр өз баяндамалары менен катышышты. Алар Казат Акматовдун өрнөктүү өмүрү, чыгармачылыгы, коомдук-саясий ишмердүүлүгү тууралуу маселелерди козгошуп, илимий талкууга алышты. Жыйынтыгында резолюция кабыл алынып, активдүү катышкандыгы үчүн баяндамачыларга ТалМУнун ректору А.Ш.Упенов тарабынан университеттин сертификаттары тапшырылды.

Бүгүн 18-май Музейлердин эл аралык күнү.Талас мамлекеттик университетинде да музей күнү белгиленди.”Музей жана мурас”аттуу илимий-тажрыйбалык жыйын өткөрүлдү.Жыйынды окуу жайдын ректору А.Ш.Упенов ачып, чакырылган конокторго ыраазычылык билдирди.Канат Кеңешбеков атын.тарыхый-этнографиялык музейге салым кошкон мураскерлерге ыраазычылык кат тапшырылды.Кызыктуу жана мазмуну терең баяндамалар угулду.Илимий-тажрыйбалык жыйындын катышуучуларына жана кызматкерлерине Курманжан датка атындагы көчмөндөр цивилизациясы музейинин директору Аида Алымова видео куттуктоо жолдоду.Конференцияга Күркүрөө маданият үйүнүн директору Рыспаев Саматбек Акылбекович,Мураскерлер,ТалМУнун структуралык бөлүмдүн жетекчилери,тарыхчы-окумуштуулар жана студенттер катышышты.18.05.21.Талас ш.

ТалМУнун колледжинде 3 адистик программалык аккредитациядан онлайн форматта өтүп жатат. Алар – “чет тилдери”, “ачык тоо-кен иштери”, “компьютердик системалар жана комплекстер (тармактар боюнча)” адистиктери. Программалык аккредитация Билим берүү программаларын жана уюмдарын аккредитациялоо агенттигинин (ААОПО) эксперттери тарабынан жүргүзүлүүдө.

10-май күнү ТалМУга Түркия Республикасынын Түрк кызматташтык жана координация агенттигинин (ТIКА) Кыргызстандагы координатору Осман Уста жана координатордун орун басары Али Южел, агенттиктин администратору Адеми Мукамбетова расмий иш сапары менен келишти. Расмий жолугушууну университеттин окуу жана илимий иштери боюнча проректору Самат Жумалиев, мамлекеттик тилди өнүктүрүү боюнча проректору Кундуз Жунусалиева жана тышкы байланыштар бөлүмүнүн башчысы Айгүл Нуралиевалар өткөрүштү. Жолугушуунун жыйынтыгында окуу жана илимий багыттарда кызматташуу боюнча макулдашылды.

Бүгүн Талас мамлекеттик университетинин тарых, биология,география,педагогика, информатика жана математика адистигинин студенттерине онлайн конок-дарс (лекция) окулду. Дарсты КТМнин тарых бөлүмүнүн профессору,археолог Табалдыев Кубатбек Шакиевич окуду.Темасы: “Кыргызстандын археологиясы.Талас өрөөнүндөгү тарыхый мурастар”.Дарстын аягында ТалМУнун окуу жана илимий иштери боюнча проректору С.С.Жумалиев жана гуманитардык факультетинин деканы Ж.К.Абдиева лекторго ыраазычылык билдиришти.Конок лекцияга тарыхчы окумуштуулар да катышышты.Студенттер лекциянын кызыктуу жана мазмундуу өткөнүн баса белгилешти.Аягында Кубатбек Шакиевичке суроолор берилип, каалоо-тилектер айтылды.Конок лекцияларды жайылтуу керектигин окуу жана илимий иштеринин проректору С.С.Жумалиев баса белгилеп кетти.8.05.21.

ТалМУнун гуманитардык факультетинин студенттеринин педагогикалык практика боюнча жыйынтыктоочу онлайн конференциясы болуп өттү.Студенттердин даярдаган видео сабактары жогорку деңгээлде даярдалган.Студенттер практикаларын кайсы мектепте,кандай өткөрүшкөнүн ар бири айтып беришти.”Мыкты практикант” конкурсунун жыйынтыгы чыгарылып,алдыңкы орундарга татыктуулар аныкталышты.Бардык активдүү катышуучулар гуманитардык факультеттин ыраазычылык каты менен сыйланышты.

ТалМУнун окуу-усулдук кеңешинин кезектеги отуруму болуп, анда окуу жайда чыгармачыл, көргөзмө сабактарды уюштуруу жана жакшыртуу жолдору, окуу-педагогикалык, өндүрүштүк жана дипломдук практикалардын өткөрүлүшү, аларды өркүндөтүү жолдору боюнча маселелер каралып, талкууланды. Факультеттердин окуу-усулдук кеңештеринин төрайымдары күн тартибине ылайык отчет беришип, кеңештин мүчөлөрү тарабынан суроолор берилип, жакшыртуу боюнча сунуштар айтылды. Тиешелүү чечимдер, жоболор кабыл алынып, окумуштуулар кеңешине сунушталды.

ТалМУда ” Билим берүү жана илимди өнүктүрүүнүн заманбап тенденциялары жана келечеги” аттуу республикалык илимий-практикалык конференция өткөрүлүп, ага Казахстандын Ахмед Ясави атындагы Эл аралык казак-түрк университети, Н.С.Гумилев атындагы Евразиялык улуттук университети, Кыргыз Республикасынын Улуттук илимдер академиясы, К.И.Скрябин атындагы Кыргыз улуттук агрардык университети, Кыргыз экономикалык университети, Ош мамлекеттик университети, Кыргыз-Өзбек эл аралык университети, Жалал-Абад мамлекеттик университети, К.Тыныстанов атындагы Ысык-Көл мамлекеттик университети, Заманбап эл аралык университетинин жана Талас мамлекеттик университетинин окумуштуу- окутуучулары, изденүүчү-аспиранттары катышты. Конференцияны ТалМУнун ректору, профессор А.Ш.Упенов ачып, жылдан-жылга илимий конференцияларга катышуучулардын саны өсүп жатканын белгилеп, жогорку окуу жайлары менен илимий кызматташуу күчөп жатканын белгиледи. Пленардык жыйында 4 макала окулуп, илимдин 7 багыты боюнча түзүлгөн секцияларда 72 макала окулуп, талкууланды. Жыйынтыгында секция башчылары маалымат беришип, заманбап билим берүүнүн жана илимдин багыттарын, технологияларын, актуалдуу маселелерин баса белгилешип, мыкты илимий макалаларды сыйлыкка көрсөтүштү. Резолюция кабыл алынып, мыкты илимий макалалардын авторлоруна ТалМУнун окуу жана илимий иштери боюнча проректору, ф.и.д, профессор С.С.Жумалиев тарабынан университеттин грамоталары тапшырылып, бардык катышуучуларга сертификаттар берилди.

ТалМУнун табият таануу жана педагогика факультетинин курамындагы “биология”, “география”, “колдонмо математика жана информатика”, “саламаттыкты сактоодогу информатика” профилдери программалык аккредитациядан өтүштү. Аккредитацияны көз карандысыз “Эл баасы” аккредитациялык агенттигинин эксперттик комиссиясы жүргүзүштү.

ТалМУ. Бугун университеттин кадырлуу, сыйлуу инсаны, окумуштуу, профессор, э. и. к. Ардагерлер кенешинин торагасы А. Барпыбековго КРнын ардактуу Аксакалы деген сыймыктуу сыйлык наамы тапшырылды. Сыйлыкты КРнын Аксакалдар коомунун Талас облусу боюнча окулдору З. Кыдыралиев жана К. Сарчаев салтанаттуу маанайда тапшырышты. Ректор А. Ш. Упенов, профком Э. А. Абдраимов куттуктоолорун айтышты, мындан аркы арыбас доолоттуу омурду каалашты. Элибиздин эш тутары, карманаары жана каранары ушундай нарктуу, барктуу аксакалдарыбыз, улгусун артып, орноктуу омуру менен ар дайым аман болушсун.

ТалМУда “Азыркы коомдогу нравалык баалуулуктар жана билим берүү системасын өнүктүрүүнүн эффективдүү инструменттери” аттуу студенттердин кезектеги 18-илимий-практикалык конференциясы болуп өттү. Ага Кыргыз улуттук агрардык университети, Кыргыз-өзбек эл аралык университети, Н.Исанов атындагы Архитектура жана дизайн институту, Илимий-изилдөө медициналык-социалдык институту, БатМУнун Кызыл-Кыя педагогикалык-гуманитардык институтунун жана Талас мамлекеттик университетинин студенттери катышты. Пленардык бөлүктү ТалМУнун ректору А.Ш.Упенов ачып, конференциянын ишине ийгилик каалады. Аталган бөлүктө студенттердин 3 баяндамасы окулуп, секциялык иштерде жалпысынан 171 баяндамачы катышып, илимдин 8 багыты боюнча баяндамалар окулуп-талкууланды. Конференциянын жүрүшүндө нравалык жана руханий баалуулуктар, алдыңкы педагогикалык ыкма-усулдар, инновациялык идеялар, техникалык-коммуникациялык табылгалар, биоэкологиялык, социалдык-экономикалык, тарыхый-археологиялык, филологиялык актуалдуу маселелер талкууланды. Секция жетекчилери секциялык иштердин жүрүшү, окулган баяндамалардын теориялык жана практикалык, прикладдык баалуулук деңгээлдери тууралуу маалымат беришип, мыкты макалаларды белгилешти. Алардын негизинде резолюция кабыл алынып, аны ишке ашыруу боюнча сунуштар берилди. Жыйынтыктоочу бөлүктө ректор А.Ш.Упенов конференцияга активдүү катышкандыгы үчүн студенттерге ыраазычылык билдирип, мыкты баяндама жасаган студенттерге ТалМУнун грамоталарын тапшырды. Конференцияны окуу жана илимий иштер боюнча проректор С.С.Жумалиев алып барып, конференцияга катышкандыгы үчүн ар бир студентке сертификат ыйгарыларын белгиледи.

Бугун 12.04.21. ТалМУнун Табият таануу жана педагогика факультетинде Мамлекеттик педагогикалык практиканын жыйынтыктоочу конференциясы болуп отту. Мамлекеттик педагогикалык практика ар бир адистиктерде онлайн, оффлайн режиминде отулгонуно байланыштуу студенттер презентация жасоо менен отчетторун тапшырышты. Конференцияга ТТПФнин деканы З.Т. Койчуманов, кафедранын окутуучулары жана практиканын жетекчилери катышышты. Конференциянын жыйынтыгында активдуу студенттерге факультеттин грамоталары тапшырылды

ТалМУ институционалдык аккредитациядан өтүп жатат. Аккредитацияны “Билим берүү чөйрөсүндөгү сапаттын кепилдиги боюнча агентствосу “EdNet” коомдук фонду жүргүзүп жатат.

Нооруз – 2021! ТалМУда Нооруз майрамы белгиленди.

2021-жылдын 16-мартында​ Кыргыз Республикасынын Өкмөтүнүн Талас облусундагы ыйгарым укуктуу өкүлчүлүгүндө Кыргыз Республикасынын Финансы министрлигинин Талас башкармалыгы ​ Талас мамлекттик университетинин экономика багытында билим алып жаткан жогорку курстардын студенттери үчүн ​ “Ачык эшик” күнүн өткөрдү.

Аталган ​ жолугушуу Кыргыз Республикасынын Финансы министрлигинин 2021-жылдагы 3-февралындагы №16б ​ буйругун «2021-жылга​ Кыргыз ​ Республикасынын Финансы министрлигинин ​ ишине ​ карата​ калктын​ ишеним индексинин коэффицентин​ жогорулатуу боюнча​ укуктук ​ пропагандалоо​ иш- чараларынын планы» аткаруу максатында уюштурулду. Жолугушуу учурунда Кыргыз Республикасынын Финансы министрлигинин Талас башкармалыгынын ​ кызматкерлери: Кыргыз Республикасынын Финансы министрлигинин Талас башкармалыгынын ​ казына бөлүмүнүн башчысы А.Э.Бейшеналиев;Финансы министрлигинин Талас башкармалыгынын башкы адистери ​ Н.Т.Курманбекова жана А.К.Аманова ​ студенттерге казыналык системасынын өнүгүшү, Бирдиктүү казыналык эсептин иштөөсү, программалык бюджеттештирүү, жергиликтүү бюджеттерди түзүү жана аткаруу, түрткү берүүчү гранттар, ошондой эле Кыргыз Республикасында мамлекеттик сатып алуулар системасынын өнүгүшү тууралуу айтып, Бирдиктүү казыналык эсептин ​ базасы менен тааныштырышты. Иш-чара ​ финансы чөйрөсүнүн болочоктогу адистерин Кыргыз ​ Республикасынын Финансы министрлигинин ишмердүүлүгү менен тааныштыруу аркылуу келечектеги финансы тармагында эмгектене турган адистерди кызыктыруу​ максатында жыл сайын өткөрүлмөкчү. Аталган иш- чарага Технологиялык-экономикалык факультетинин ​ деканы п.и.к. доцент А.О.Курманалиева,экономика жана менеджмент кафедрасынын окутуучусу Э.М.Арыкбаева жана факультеттин бүтүрүүчү курсунун ​ студенттери катышышты.

Талас мамлекеттик университетинин алдындагы К.Кеңешбеков атындагы тарыхый-этнографиялык музей күндөн-күнгө баалуу эскпонаттар менен толукталууда.10-мартта тарых адистигинин аралыктан окутуу бөлүмүнүн студенти Молдошев Уран дагы музейге өз салымын кошуп, болжол менен 13-17 кк.тишелүү керамика чыны жана тыйын тапшырды.Патриот студентибиз Уранга ыраазычылык билдиребиз!!!11.03.21.Талас ш.

Бүгүн Кыргыз Республикасынын Талас облустук окулчулугунун жыйындар залында Аксакалдар кенешинин төрагасы М.Мамбеталиевдин “Каркыралар кайда учуп кеттинер” аттуу китеби ТалМУнун эн мыкты студенттерине белек катары берилди.Жолугушууга окуу жайдын декандары,директор, студенттер катышышты.Алгач жолугушууну Талас облустук ыйгарым укуктуу окулунун орун басары К.Б.Жанузакова ачып , келечек ээлери болгон студенттерге каалоо тилектерин айтып созду авторго берди.М.Мамбеталиев агай китептин жазылыш тарыхы,мааниси,мазмуну тууралуу соз кылды.Сонунда ТалМУнун профессордук-окутуучулар ,ректораттын атынан уюштуруучуларга ыраазычылык билдирилип, иштериндеги ийгиликтерди каалашты.

3.03.21.ТалМУнун табият таануу кафедрасы “биология” адистигинин 1-2-3-4- курстарынын ата-энелери жана ТалМУнун бүтүп кеткен бүтүрүүчүлөрү менен жолугушуу өткөрдү.

3.03.21.ТалМУнун табият таануу кафедрасы “биология” адистигинин 1-2-3-4- курстарынын ата-энелери жана ТалМУнун бүтүп кеткен бүтүрүүчүлөрү менен жолугушуу өткөрүп, онлайн, офлайн окуу процессинин жүрүшү, коронавирус илдетинин жайылышын алдын-алуу үчүн санитардык талаптарды сактоо жана кышкы сессиянын жыйынтыгы, катышуу,контракт маселеси, адистиктин аккредитациядан өтүүгө даярдыгы, аккредитациянын талаптары туурасында маалыматты кафедра башчысы б.и.к., доцент Ташибекова З.М. берди. Жыйындын жүрүшүндө бүтүрүүчүлөр ТалМУнун астындагы КОБББ окутуучусу Алымбаева Н. К., Р. Рысакова ат #2 орто мектебинин биолог мугалими Бондаренко Е.А., “Билимкана” мектебинин биолог мугалими Омурканова Г.С., Талас райондук,шаардык БББ жетектөөчү адиси Көчөрбаев А.К., Исраилов А.К. Талас райондук, шаардык БББ усулчусу, Темир у Беккул ,”БИО”kg окф мобилизатор, чет тилдер лицейинин географ мугалими Жекшенбеков А., Талас р. А.Нуржанов ат. орто мектебинин географ мугалими Кеңешбекова А.С., Кайрат к Э сөз берилди, ата-энелердин суроолоруна кафедра башчысы жана окутуучулар тарабынан жооптор берилип, маалымдалды.Жыйынтыгында ата-энелер, бүтүрүүчүлөр тарабынан анкеталар толтурулду.

Бүгүн ТалМУнун администрациясы жана кесиптик кошууну 8-Март Аялдардын эл аралык майрамына карата окуу жайдын эжекелери арасында волейбол боюнча турнир уюштурду. Университеттин ректору А.Ш.Упенов, окуу жана илимий иштер боюнча проректору С.С.Жумалиев, кесиптик кошуундун төрагасы Э.А.Абдырайымов, табият таануу жана педагогика факультетинин деканы З.Т.Койчуманов куттуктоо сөздөрүн сүйлөшүп, айымдарды келе жаткан майрамдары менен куттукташып, оюнчуларга ийгилик каалашты. Башкы калыс А.Абдраимов оюн айлампа түрүндө өтөрүн, жеңүүчүлөргө кубок жана акчалай сыйлыктар ыйгарыларын белгиледи.

Бүгүн Талас мамлекеттик университети, Кыргыз-Өзбек университети жана С.Нааматов атындагы Нарын мамлекеттик университети менен биргеликте “жогорку окуу жайларда аралаш (гибриддик) билим берүүнүн кээ бир маселелери” аттуу окуу-усулдук кеңешме өткөрүлдү. Кеңешмеде аралаш билим берүү процесси, шарттары, көйгөйлөрү боюнча маселелер каралып, бул жааттагы жетишилген тажрыйбалар алмашылды. Аталган үч окуу жайдын окуу иштери боюнча проректорлору доцент Т.Э.Исаков, профессор С.С.Жумалиев, профессор Н.А.Чоробаева аралаш окутуу маселелери баяндама жасашып, катышуучулардын суроолоруна жооп беришти. Андан кийин талкуу жүрүп, сунуштар айтылды. Соңунда мындай биргелешкен иш-чаралардын масштабын кеңейтүү боюнча сунуштар берилди.

Эр жигит сыймыктанат эли менен, эн кымбат Ата-журттун деми менен!

Бүгүн Талас мамлекеттик университети, Н.Исанов атындагы КМКТАУ,Кыргыз-Өзбек университети,Кыргыз-Түрк Манас университеттери биргеликте 21-февраль Бүткүл дүйнөлүк эне тил күнүнө карата “Эне тилим-жан дүйнөмдүн азыгы” аттуу темада тегерек стол өткөрүштү.

Бүгүн Талас мамлекеттик университети, Н.Исанов атындагы КМКТАУ,Кыргыз-Өзбек университети,Кыргыз-Түрк Манас университеттери биргеликте 21-февраль Бүткүл дүйнөлүк эне тил күнүнө карата “Эне тилим-жан дүйнөмдүн азыгы” аттуу темада тегерек стол өткөрүштү.Тегерек стол окумуштуулардын ой бөлүшүүсү менен кызыктуу өттү.Кадырлуу коноктору КТМУнун ага окутуучусу,ф.и.к. Э.Төлөкова,Н.Исанов атындагы КМКТАУнун С.Жусуев атындагы мамлекеттик тил борборунун башчысы,ф.и.к.доцент К.Жумакадырова,КӨУнун кыргыз тили жана адабияты кафедрасынын ага окутуучусу,ф.и.к.С.Жусуевалар болушту.Иш-чараны ачып берүү үчүн куттуктоо сөз ТалМУнун мамлекеттик тил боюнча проректору,ф.и.к.,доцент К.Т.Жунусалиевага,гуманитардык факультеттин деканы т.и.к.,доцент Ж.КАбдиевага берилди.Тегерек столдо эне тилди сактоо,өнүктүрүү боюнча олуттуу пикирлер айтылып,ой бөлүшүү абдан кызыктуу маанайда өттү.Кылым карыткан кыргыз тилибиз мындан ары өнүгө бере турганына ишеничибиз артты.Бар бол,эне тилибиз,кыргыз тили!!!

ТалМУнун алдындагы КОБББнын табигый дисциплиналар секциясынын “дене тарбия” адистигинин КФ-1-18 тайпасынын куратору Н.Д. Мураталиева студенттер менен “Биз коррупцияга каршыбыз” деген темада куратордук саат өттү.

ТалМУнун алдындагы КОБББнын табигый дисциплиналар секциясынын “дене тарбия” адистигинин КФ-1-18 тайпасынын куратору Н.Д. Мураталиева студенттер менен “Биз коррупцияга каршыбыз” деген темада куратордук саат өттү. Теманын тегерегинде студенттер менен бирге суроо-жооп уюштуруп. маалыматты кенен ачып берүү максатында атайын даярдалган видео-слайд да көрсөттү. Маалымат баарына жеткиликтүү жана кызыктуу фактылар менен даярдалгандыктан, студенттер активдүү катышып беришти.

Университетте коррупцияга каршы күрөшүүдө алдын ала жүргүзүлүүчү иш-чаралар багытында тегерек столдогу маектешуу болуп өттү.

Дагы башка жанылыктар