Жаркыраган жаз менен, эл күткөн Нооруз майрамы да босогону аттап кирип келди.
Нооруз-жаңы башаттардын башталышы.
Президентибиздин “Улуттук дем,дүйнөлүк бийиктик” уңгужолунун алкагында Талас мамлекеттик университетинде “Бар бол, Нооруз! аталышында салтанаттуу иш- чара уюштурулду. Иш-чараны Мамлекеттик тил, инфраструктураны өнүктүрүү жана эл аралык байланыштар боюнча проректор, ф.и. к, доцент К.Т.Жунусалиева ачып, жаркыраган жаз майрамы менен куттуктап, жаңы жылыбыз жакшылыктын, биримдиктин, ынтымактын, тынчтыктын , токчулуктун, молчулуктун жылы болуп,өлкөбүз өнүгүп, жерибизде бакубатчылык жашоо өмүр сүрө беришине тилектештигин билдирди.Бул күнү сүмөлөк кайнатылып, кыргыздын улуттук каада-салтын даңазалаган, сахналаштырылган көрүнүштөр институттар, колледждер тарабынан тартууланды. Музыкалык чыгармалар жаңырып, катышуучулардын көнүлүн көтөрдү. Жыйынтыгында, кесиптик кошундун атынан төрага Э.А.Абдырайымов куттуктап, салтанатка катышкан педагогикалык жамааттарга акчалай сыйлыктар берилди.
