Кыргыз Республикасынын Илим, Жогорку билим берүү жана инновациялар министрлигине караштуу Интеллектуалдык менчик мамлекеттик фонду Кыргыз Республикасынын Президентинин Администрациясынын 2026- жылдын 12-январындагы / 24-34 “Улуттук дем-дүйнөлүк бийиктик” уңгу жолу жөнүндө Жарлыгына ылайык өткөрүлүүчү илимий интеллигенциянын форумунун 3- этабы Талас мамлекеттик университетинде болуп өттү
Илимий жыйын “Илим-улуттук өнүгүү жолунун кыймылдаткыч күчү жана анын өнүгүү перспективалары” аттуу темада уюштурулуп,
Ж. Баласагын атындагы КУУнун, Б.Осмонов атындагы ЖАМУнун , ТалМУнун окумуштуулары жана жергиликтүү бийликтин өкүлдөрү катышышты.
Илимий жыйынды Талас мамлекеттик университетинин мамлекеттик тил, инфраструктураны өнүктүрүү жана эл аралык байланыштар боюнча проректору Жунусалиева Кундуз Тотоновна ачып, жыйындын ишин алып барды.
УТРК Талас телерадиокомпаниясы тарабынан даярдалган «Улуттук дем–дүйнөлүк бийиктик» уңгужолу доктринасынын кабыл алынышы жөнүндө видео тасма көрсөтүлдү.
Куттуктоо сөзгө Кыргыз Республикасынын Президентинин Талас облусунун ыйгарым укуктуу өкүлчүлүгүнүн социалдык бөлүмүнүн башкы адиси Тагайматова Бактыгүл Ташкеновна, Талас шаарынын мэриясынын социалдык бөлүмүнүн башчысы Орозалиева Гульмира Шабдановна, Ж.Баласагын атындагы КУУнун тарых жана чөлкөм таануу институтунун Азия жана Африка өлкөлөрүнүн тарыхы кафедрасынын доценти, тарых илимдеринин кандидаты Шейшеканов Турдубек Бейшенакунович (онлайн), Б.Осмонов атындагы ЖаМУнун доценти, тарых илимдеринин кандидаты жана “Тарых” кафедрасынын башчысы Анарбаева Гулнора Абдыманоповналар (онлайн) чыгышты. Пленардык отурумда төмөндөгү окумуштуулар оффлайн жана онлайн форматта илимий баяндама жасашты:
1. Талас мамлекеттик университетинин мамлекеттик тил боюнча проректору, фил.и.к, доцент, Жунусалиева Кундуз Тотоновна – “Улуттун уңгужолундагы мамлекеттик тилдин ролу”;
2. Ж.Баласагын атындагы КУУнун кыргыз тили кафедрасынын доценти, фил.и.к., Орозалиева Жүрсүн Муханбетовна – “Уңгужол, улуттук дем идеологиясы “Манас” эпосунун контексинде”; (онлайн)
3. Талас мамлекеттик университетинин доценти, филос.и.к, Үмөтов Эрмек Асанович – “ Кыргыз элинин улуттук баалуулуктарынын өзөктүү багыттары”;
4. Талас мамлекеттик университетинин гуманитардык – юридикалык институтунун тарых жана укук таануу кафедрасынын башчысы, т.и.к, доцент Жусупова Моймол Молдобековна – “Илим жана коом: уңгужолдун коомдук аң-сезимди жаңылоодогу таасири”.
Жыйынтыгында окумуштуулар тарабынан сунуш- пикирлер айтылып, резолюция кабыл алынып, катышуучуларга мазмундуу баяндамалары үчүн ыраазычылык кат берилди.
