ТалМУда Кыргыз эл акыны Б.Сарногоевдин 85 жылдык мааракесине арналган областтык деңгээлдеги эскерүү кечеси белгиленди. Акындын өмүрү — чыгармачылыгы, туулган-жери тууралуу баяндаган даректүү тасмалар коюлуп, ырлары көркөм окулуп, обондуу ырлары аткарылды. Б.Сарногоевдин талантына, чыгармачылыгына арналган ырлардын сынагы боюнча жыйынтык чыгарылып, жеңүүчүлөргө баалуу сыйлыктар менен грамоталар тапшырылды. Сынактын жеңүүчүлөрү өз ырларын көркөм окушуп, акындын талантына таазим кылышты. Иш чарага КРнын Өкмөтүнүн Талас облусту боюнча ыйгарым укуктуу өкүлү Д.А.Кенекеев, ТалМУнун ректору А.Ш.Упенов, Талас облусундагы ардагерлер кеңешинин төрагасы М.Мамбеталиев, КРнын Жазуучулар союзунун Талас облусундагы башкармалыгынын төрагасы Э.Үмөтов жана алп акындын жакын тууганы, жазуучу К.Исаков ж.б. сый коноктор катышышты.
