Диплом тапшыруу аземи

2017-жылдын 20-сентябрында Талас мамлекеттик университетинин табият таануу факультетинин жана аралыктан билим берүү бөлүмүнүн, 21-сентябрда гуманитардык факультет менен технология-экономика факультетинин бүтүрүүчү студенттерине диплом тапшыруу аземи болуп өттү. Ага ТалМУнун ректору А.Ш.Упенов катышып, окууну артыкчылык менен бүтүргөн студеттерге диплом тапшырып, жалпы бүтүрүүчүлөргө ак жол каалап өттү. Мындан тышкары окуу жана илимий иштер боюнча проректор М.С.Тургунбаев, технология-экономика факультетинин деканы И.А.Рыскулбеков, табият таануу жана педагогика факультетинин деканы У.Ж.Мырзабекова, гуманитардык факультеттин деканы Ж.К.Абдиева, аралыктан билим берүү бөлүмүнүн директору жана аталган факультеттердин кафедра башчылары сөз сүйлөп, каалоо-тилектерин билдиришти. Диплом тапшыруу аземинин 2-жарым бөлүгү ыр, бийлер менен коштолду.