ТалМУнун ардактуу ардагери, «Ыйман сабагы» китебинин автору, философия илимдеринин кандидаты, доцент Калманбетов Манас Мырзабекович Кыргыз Рсепубликасынын Президентине караштуу Мамлекеттик тил боюнча улуттук комиссиясынын «Кыргыз тили» төш белгиси менен сыйланды. Аталган сыйлыкты КР Президентине караштуу Мамлекеттик тил боюнча улуттук комиссиясынын билим берүү бөлүмүнүн башчысы Ишеналиева Аида Огобековна келип салтанаттуу түрдө тапшырды.
Манас Мырзабековичти алган сыйлыгы менен куттуктайбыз жана агайга чың ден соолук, чыгармачылык ишине ийгиликтерди каалайбыз. Кыргыз элине жана жаш муундарына кыргыздын тилин, дилин, дүйнө таанымын тааныткан Сиздей мекенчил инсандар арабызда көбөйсүн демекчибиз.
Ректорат
