Талас мамлекеттик университетинде залкар манасчы Жусуп Мамайдын 100 жылдык мааракесине арналган эскерүү кечеси болуп өттү.
Кечеге манасчы Ж.Мамайдын чөбөрөсү Тургуналы Турсуналы катышты.
Кечеде залкар манасчынын чөбөрөсү Тургуналы Жусуп Мамайдын өмүр жолуна арналган “Бабамдын баяны” деген эмгегин презентациялоо менен залкар манасчынын манасчылык өнөрүн, ишмердүүлүгүн чагылдырган даректүү фильми көрсөтүлдү.
Экинчи бөлүгүндө Тургуналы Турсуналы кыргыз бийи боюнча мастер класс көрсөтүлдү. ТалМУнун профессордук-окутуучулар жамааты, студенттер жана коноктор активдүүлүк менен катышты.
Эскерүү кечесин уюштуруучулар ТалМУнун мамлекеттик тил боюнча проректору С.С. Жумалиев, тарых илимдеринин кандидаты, доцент Жусупова М.М. жана “тарых жана коомдук илимдер” кафедрасы.