Бугун ТалМУда «Күзгү бал-2021» деген аталышта структуралык бөлүмдөрдүн студенттеринин ортосунда таймаш болуп өттү. Алдына-ала белгилүү болгондой таймаштын жобосуна ылайык, студенттер даярданышып, ар бир номинация боюнча кызыктуу номерлерди аткаруу менен өз өнөрлөрүн тартуулашты. Таланттууларды талдап, өнөрлөрүн баалаш үчүн кара кылды как жарган калыстар тобу К.Медетбеков атындагы Талас облустук драма театрынын режиссеру Урматжан уулу Нурбек, А.Токтогулов атындагы Талас облустук китепканасынын директорунун орун басары Салтанат Атыкенова, Талас жаштар коомдук бирикмесинин координатору Асеин уулу Азамат чакырылган.Мыкты чеберчиликте даярданган командалар «Саламдашуу» ,»Күз деми, «Күз берекеси», «Күз кайрыктары»» Күзгү бий», » Күзгү мода» номинациялары боюнча да мактоого арзышты.Жыйынтыгында ТалМУнун ректору А.Ш.Упенов жеңүүчүлөрдү куттуктап, келген калыстар тобуна ыраазычылык билдирүү менен,1-орун ТТПФ;2-орун КОБББ;3-орун ТЭФ жана таймашка активдүү катышкан гум.факультетинин студенттерине Талас мамлекеттик университетинин Ардак грамотасы жана акчалай сыйлыктарды тапшырды.
