Талас мамлекеттик университети Россия Федерациясынын М.В.Шукшин атындагы Алтай мамлекеттик гуманитардык-педагогикалык университети жана Талас облустук усулдук билим берүү борбору менен биргеликте «Кыргызстанда орус тилинде билим берүү» аттуу билим берүү марафонун уюштуруп өткөрүүдө. Бул форум аркылуу Кыргызстан менен Россиянын кызматташтыктарынын алкагында уюштурулуп, аткарылып жана көрсөтүлүп жаткан иш-чаралар аркылуу билим берүү мейкини кеңейип, жаңы мүмкүнчүлүктөргө жол ачылаары шексиз. 17-ноябрдан 22-ноябрга чейинки аралыкка созулган бул эл аралык билим берүү марафонунда, ачык сабактар боюнча сынактар уюштурулуп, мастер-класстар, илимий-популярдуу лекциялар, тарбиялык сааттар, окуудан тышкаркы сабактар өткөрүлүп, оффлайн жана онлайн эки форматта өткөрүлүп жаткан учуру.Бүгүн 19-ноябрда ТалМУнун орус тилчи окутуучулары тарабынан мастер- класстар, ачык сабактар жана адабий кече уюштурулду. Ага ТалМУнун алдындагы КОБББнын орус тилчи окутуучулары да катыша алышты. Анда А.К.Атыканова «Имя прилагательное» жана Н.К.Аскарова «Род имен существительных» деген темаларда ачык сабактарын өтүштү. Ал эми Ж.Б.Осмоналиева менен А.Ш.Омурбаева «Поэзия Серебряного века» аттуу темада колледждин студенттери менен бирдикте адабий кече уюштуруп беришти. Бүгүнкү өтүлгөн иш-чаралар өз деңгээлинде болуп өттү.
