Талас мамлекеттик университетинде онлайн, оффлайн форматта өтүп жаткан “Кыргызстанда мамлекеттик тилде билим берүү’ марафону чебер-класстар, ачык сабактар жана тарбиялык сааттар менен коштолду. Бакайата районундагы Д.Батырбашиев атындагы орто мектептин мугалими Н. Ж. Адылбекова “Сингармонизм” чебер-класс сабагын, Манас районунан С. Дүйшембиев атындагы орто мектебинин мугалими Р.Жаманкулова окуучулары менен “Канткенде адам улуу адам болот” – деген темадагы адабий кечени тартуулашты.ТалМУнун окутуучусу Ж.Кайнаева “Фотосинтездин мааниси”, А.Кумашова ” Балдарды окуу жана жазуу иштерине калыптандыруунун негизги баскычтары”, КОБББнун окутуучусу К. Алымкулова “Ж.Турусбекөвдун өмүрү, чыгармачылыгы”, ТалМУнун окутуучулары С.Сагынбаева “Компьютердик архитектура”, Э. Кулова “Дүйнө экинчи дүйнөлүк согуштан кийин”, Ж.Өмүрканова “Инфляция” аттуу сабактарын көрсөтүштү. Андан соң марафондун экинчи күнү “Поэзия дүйнөсүнүн падышасы -Алыкул” деген тарбиялык саат менен КОБББнун окуутучулары А.Наржигитова, А.Исаева студенттери менен улантышты.
