11-февраль Аялдардын жана кыздардын илимдеги күнү

11-февраль жыл сайын “Аялдардын жана кыздардын илимдеги күнү” катары белгиленип келет. Бул күндү майрамдоо ЮНЕСКО жана Бириккен Улуттар уюму тарабынан агенттиктер жана жарандык коом өнөктөштүктору менен биргеликте өткөрүлөт,алардын максаты аялдардын жана кыздардын илимге катышуусуна дем берип, илимий-технологиялык коомчулукта маанилүү ролду ойногондугун жана алардын катышуусун кеңейтүү керек экендигин эскертет. Мына ушул күнгө карата 12-февралда Талас шаарындагы Билимкана мектебинде ” Республикабыздын аймактарында билим берүүнү өнүктүрүү үчүн илимдеги кыздар күнү” деген темада тренинг болуп өттү. Иш-чарага мектептин мугалимдери, жогорку класстын окуучулары жана чакырылган коноктор катышышты.Алгач сөздү Талас шаарынын вице-мэри М.Э.Сейдикеримова ачып мазмундуу , маанилуу билдирүү жасады. Андан соң ” STEAM биздин айлананабызда” деген темада слайд тартууланды.Тренингге Талас мамлекеттик университетинин Табият таануу жана педагогика факультетинин окутуучусу,п.и.к. Чолпон Кыштообаева катышып , илимде аялзатынын ордун белгилеп, окуучуларды математикага кызыктыруунун жолдору туурасында айтып, катышуучуларга дем берди. Тренингде келген конокторго суроолор берилип, кызыктуу,пайдалуу жоопторду алышып, илимде жалпы аялдардын жана кыздардын орду чоң экендигин белгиленип, иш-чара жыйынтыкталды.