«Инсандын руханий адеп-ахлактык өнүгүүсү жана дене тарбиясы»

Кыргыз Республикасынын Президентинин 2021-жылдын 29-январындагы»Инсандын руханий адеп-ахлактык өнүгүүсү жана дене тарбиясы » жөнүндө Жарлыгы, Кыргыз Республикасынын. Өкмөтүнүн 2017-жылдын 22-сентябрындагы 600-токтому менен бекитилген Кыргыз Республикасынын Өкмөтүнүн 2018-2022-жылдарга «Спорттук Кыргызстан» программасын ишке ашыруу максатында Кыргыз Республикасынын билим берүү кызматкерлеринин ортосунда » Ден соолук » спартакиадасынын ачылыш аземи болуп өттү. Кыргыз Республикасынын маданият, маалымат, спорт жана жаштар саясаты министрлигинин алдындагы дене тарбия жана спорт департаментинин директору У.С.Асанбаев , уюштуруу тобу жана катышышкан окуу жайлардын мамлекеттик тил жана тарбия иштери боюнча проректорлору куттуктоо сөздөрүн айтышып,спартакиаданын ишине ийгилик каалашты.Спартакиадага 500дон ашуун кызматкерлер катышууда,алардын арасында ТалМУнун айымдар, мырзалар командасы волейбол оюну боюнча катышып жатышат. Бүгүн айымдар командасы Чуй облусунун командасы менен беттешип, 2:0 эсебинде утушка ээ болушту. Спартакиада бир жума бою уланмакчы.