14,15-сентябрь күндөрү Бишкек шаарында «Ректорлордун дүйнөлүк форуму»
жогорку деңгээлде болуп өттү

14,15-сентябрь күндөрү Бишкек шаарында «Ректорлордун дүйнөлүк форуму» жогорку деңгээлде болуп өттү. Форум Кыргыз Республикасынын Билим берүү жана илим министрлиги тарабынан уюштурулуп, ага дүйнөнүн жогорку окуу жайларынын ректорлору, Кыргызстандын жогорку окуу жайларынын ректорлору, эл аралык эксперттер катышты. Форумдун жүрүшүндө университеттердин илимий-техникалык потенциалын жогорулатуу, интеллектуалдык ишмердүүлүктүн жетишкендиктерин коммерциялаштыруу, адистерди инновациялык ишмердикке даярдоо, илимий-изилдөө жана инновациялык жаатта эл аралык тажрыйба алмашуу өңдүү орчундуу маселелер талкууланып, атайын резолюция кабыл алынды. Аталган форум ата мекендик жогорку окуу жайларынын алдына чет өлкөлүк университеттердин илимий мектептери аркылуу өнөктөштүк мамилелерин күчөтүү, интеллектуалдык ишмердүүлүктүн жетишкендиктери боюнча атаандаштык жөндөмдүүлүктү жогорулатуу, инновациялык экосистеманы түзүү, инновациялык ишмердүүлүктү күчөтүү сыяктуу милдеттерди ишке ашырууга түрткү берди. Андыктан, Кыргыз Республикасынын билим берүү жана илим министри Бейшеналиев Алмазбек Бейшеналиевичтин Кыргызстандын билим берүү системасына жүргүзүп жаткан реформалары үзүрлүү болуп, өз жемишин берет деп ишенебиз!