5-октябрь Билим берүү кызматкерлеринин күнү.

ТалМУ. Адамдын жан дилине илим-билим үрөөнүн сээп, жаркын максаттарга үндөгөн мугалимдерге кандай алкыш айтсак да жарашат.Мугалимдин коомдогу ролу өтө маанилүү жана өтө бийик. 5-октябрь Билим берүү кызматкерлеринин күнү. Бул күн биздин университетибизде салтанаттуу жаркын маанайда өттү. Алгач ректордун милдетин аткаруучу, ф. и. д. С. С. Жумалиев куттуктап, өсүп келе жаткан муунду окутуудагы жана тарбиялоодогу бир катар окутуучулардын ийгиликтүү эмгегин белгилөө менен аларга Ардак грамоталарды тапшырды. Кесиптик кошундун төрагасы Э. А. Абдураимов тарабынан дагы Ардак грамота жана акчалай сыйлыктар берилди.Ошондой эле депутаттардын Талас шаардык кеңешинин атынан үзүрлүү иштери үчүн кесиптештерибиз Ардак грамота менен сыйланышты. Майрамдык салтанатты маданий-көркөм программа коштоду. Өзүбүздүн өнөрлүү студенттерибизден тышкары Таластын таланттуу мыкты ырчылары А. Үркүмбаева, А. Коробаева, Т. Кеңешбеков көңүл эргиткен жагымдуу ырларын белектеди.