«Айтматовдук окуу-2022» аттуу илимий-практикалык конференциясы өттү
ТалМУ. Кечээ 9-декабрда Университеттин гуманитардык факультетинде 12-декабрь Адабият күнүн утурлаган «Айтматовдук окуу-2022» аттуу студенттердин илимий-практикалык конференциясы жогорку деңгээлде өттү. Ч.Айтматовдун чыгармалары боюнча студенттердин баяндамасы кыргыз, орус, түрк, англис төрт тилде жүргүзүлдү. Ректордун м. а. профессор С. С. Жумалиев куттуктап, Ч.Айтматов тууралуу омоктуу оюн айтып, конференциянын ишине ийгилик каалады. Уюштуруучулар ф. и. к. Г. Сатаева, т. и. к. М. Жусупова дыкат, кылдат мыкты даярдыктарды көрүшкөндүгү айкындалып турду. Маданий бөлүгүндө Ч. Айтматовдун Биринчи мугалим чыгармасынан сахналаштырылган көрүнүштү арнашты. Студенттер ролдорду жакшы аткарышты. Бир сөз менен айтканда көңүлгө толду. Соңунда мындан аркы иштердеги ийгиликтерди кааладык. Модератор А-1-19 гр студенти Альмира Рустамова болду.
» Адамга эң кыйыны күн сайын адам болуу»
Ч.Айтматов.
12-декабрь ааламдын алпы болгон, дүйнөдө теңдешсиз орду бар, кайталангыс талант Кыргыз Эл жазуучусу, Ч.Айтматовдун туулган күнү жана Улуттук адабиятыбыздын күнүн утурлай Талас мамлекеттик университетинде адабий-музыкалуу кече болуп өттү. Кечени кыргыз тили, адабияты кафедрасынын окутуучулары, студенттери даярдашты.
Адистиктин студенттери жазуучунун чыгармаларынан үзүндүлөрдү көркөм окушуп, чыгармаларынан сахналаштырып, жазуучунун чыгармаларына арналып жазылган обондуу ырлардан аткарышып, жазуучунун кыргыз жана дүйнөлук адабияттан алган ордун белгилөө менен кызыктуу кечени тартуулашты.
