Корея Республикасынын иш менен камсыз кылуу
борборунун директору Ким Ынки менен жолугушуу

2-март күнү Талас мамлекеттик университетинин ректорунун милдетин аткаруучу С. С. Жумалиев Корея Республикасынын иш менен камсыз кылуу борборунун директору Ким Ынки, ошондой эле Кыргыз Республикасынын Эмгек, социалдык коргоо жана миграция министрлигинин алдындагы жарандарды ишке орноштуруу борборунун башкы адиси Н. Ашимбекованы кабыл алды. Ким Ынки мырза жана Н. Ашимбекова Корея Республикасында ишке орноштуруу программасынын тартиби жана эрежелери жөнүндө калктын маалымдуулугун жогорулатуу максатында презентация өтүштү. Жолугушууга ТалМУнун студенттери жана окутуучулары катышып, аларга Кореяда иштөө жана окуу мүмкүнчүлүктөрү жөнүндө кенен маалымат берилди. Жолугушуу учурунда студенттер кызыккан суроолоруна жооп алышты жана программалар тууралуу маалымат баракчалары таркатылды.