Нооруз майрамына арналган иш-чаралар

Талас мамлекттик университетинин структуралык бөлүмдөрүндө студенттер арасында улуттук нарк-насилди сактап жайылтуу максатында Нооруз майрамына арналган иш-чаралар уюштурулуп өткөрүлүүдө. Университеттин технология-экономикалык факультетинде сүмөлөк кайнатуу жөрөлгөсү өткөрүлсө, колледжде кыз-жигиттердин сармерден таймашы кызыктуу өттү. Эртең дагы ушундай иш-чаралар башка түзүмдүк бөлүмдөрдө улантылат. Жаңы жыл келди, Нооруз келди! Жер жарылып чөп чыксын, желин жарылып сүт чыксын! Кампабыз данга, дасторконубуз нанга толсун! Жаштарыбыз ыймандуу, жигиттерибиз жүрөктүү болсун! Өлкөбүздө тынчтык болсун! Айдан аман, жылдан эсен бололу!

Талас мамлекеттик университетинде Нооруз күнүнө карата арналган маданий иш-чарада кыргыз элинин улуттук нарк-насилдерин, баалуулуктарын камтыган каада-салттарын чагылдырган жогорку деңгээлдеги майрамдык иш-чара болуп өттү. Технология-экономикалык факультети уюштурган маданий программага гуманитардык факультетинин окутуучулар жааматы активдүүлүк менен катышышты.Баарыңыздарды келе жаткан Нооруз күнү менен чын жүрөктөн куттуктайбыз.