27-28-августта Талас мамлекеттик университетинде Кыргыз Республикасынын Министрлер кабинетине караштуу Интеллектуалдык менчик жана инновациялар мамлекеттик агенттиги (Кыргызпатент) жана Борбор Азиядагы Конрад Аденауэр атындагы фонд менен биргеликте студенттерге “Региондордо стартап экосистемаларын өнүктүрүү” аттуу тренинг өткөрүлдү. Бул тренингге Кыргызпатентке караштуу Инновациялык борбордун директору Айдар Алымбеков, Борбор Азиядагы Конрад Аденауэр фондунун регионалдык өкүлү Андре Альгермиссен жана Талас мамлекеттик университетинин окуу жана илимий иштери боюнча проректору Сурапов Анаркул Кудайбердиевич катышышты. Андан тышкары, тренингде Акселерациялык программанын жетекчиси Айжан Алишерова-Дуймаз, Америкалык технология институттун негиздөөчүсү, Фейсбуктун бир бөлүмүнүн техникалык директору Эмил Билгазиев, Саламаттыкты сактоодогу мекемелер аралык долбоорлордун жетекчиси Дениз Мари Храдецкилер катышышты. Кыргызпатенттин Инновациялык борборунун директору Айдар Алымбеков актуалдуу маселелер боюнча баяндама жасады. Экинчи күнү Борбор Азиядагы Конрад Аденауэр фондунун регионалдык өкүлү Андре Альгермиссен менен Талас мамлекеттик университетинин окуу жана илимий иштери боюнча проректору Сурапов Анаркул Кудайбердиевич эки тараптуу кызматташуу боюнча сүйлөшүүлөр жүргүзүлүп, эң мыкты окуган жана окууда, илимий иштерде ийгиликке жетишкен студенттерге фонд тарабынан стипендия берүү жагы каралаары айтылды.
![](https://talsu.kg/wp-content/uploads/2024/08/Изображение-WhatsApp-2024-08-30-в-13.46.03_c08d0e9c-1-600x800.jpg)
![](https://talsu.kg/wp-content/uploads/2024/08/457099239_520550017151569_709846296492739109_n-1-600x800.jpg)
![](https://talsu.kg/wp-content/uploads/2024/08/457352141_520550133818224_5071760478495480642_n-1-800x600.jpg)
![](https://talsu.kg/wp-content/uploads/2024/08/457277670_520550073818230_947096951302789480_n-1-600x800.jpg)