Улуттук майрамыбыз менен удаа келген Билим күнү Талас мамлекеттик университетинде салтанаттуу белгиленди. Салтанатты окуу жайдын ректору Ж.С.Шаршембиев ачып, студенттерге жаңы окуу жылына жаңы дем, жаңы күч, жаңы жигер менен киришин, ал эми окутуучуларга кирип келген жаңы окуу жылы бардыгыбызга көптөгөн жагымдуу сезимдер менен жаңы таасирлерди калтырган ийгиликтин, өсүп-өнүгүүнүн жылы болсун, адамдын жүрөгүнө билимдин жарыгын жандырган, билим аркылуу дүйнөнүн терезесин ачкан ардактуу кесип ээлерин куттуктап, баарыңыздарга жаңы окуу жылында албан-албан ийгилик, үй-бүлөлүк бакыт, арыбас кайрат, мамлекетибизге байгерчилик менен тынчтык каалайм деген оюн билдирди. Университет босогосун аттаган студенттерге окуу жай жөнүндө видео-ролик көрсөтүлүп, суденттердин майрамдык маданий программасы тартууланды.
