Талас мамлекеттик университетинин Тарых жана коомдук илимдер кафедрасынын окумуштуулары ,А.Токтогулов атындагы облустук китепканасынын кызматкерлери менен бирдикте
Кара -Кыргыз автономиялуу облусунун түзүлгөндүгүнүн 100 жылдыгына жана 7-8-ноябрь Тарых жана ата-бабаларды эскерүү күнүнө карата “Кыргыз мамлекеттүүлүгүнүн калыптанышы жана өнүгүшү” аттуу облустук илимий-практикалык конференция болуп өттү.
Конференцияны Талас мамлекеттик университетинин ректору, тех. и. д, профессор Ж.С. Шаршембиев ачып, бүгүнкү “Тарых жана ата-бабаларды эскерүү күнүнүн” тарыхына кайрылды.
Кыргыз Республикасынын гимни жанырып, куттуктоо сөзү Талас шаарынын мэри Б.К.Астанакуловго берилди.
Андан соң Кыргыз Республикасынын Президентинин Талас облусундагы ыйгарым укуктуу өкүлү Джумаев Эрмат Джумаевич конференциянын ишине ийгилик каалоо менен “Өткөндөр даңкталмайын, тирүүлөр баркталбайт” деп баса белгилөө менен биз тарыхты билүүбүз зарыл экендигин белгиледи.
Куттуктоолордон соң пленардык отурумдагы илимий баяндамалар окулуп, катышуучуларга тастыктамалар тапшырылды.
Конференцниянын аягында сунуш, пикирлердин негизинде резолюция кабыл алынды.
Жыйынтыгында, К.Медетбеков атындагы музыкалык драма театрынын маданий программасы тартууланды.
Конференцияны уюштурууда көмөк көрсөткөн А.Токтогулов атындагы облустук китепканага, Талас райондук архивине ыраазычылык каттар тапшырылды.
