Альянс Алтын өнүктүрүү фонду тарабынан агартуу тармагына бир топ демөөрчүлүк колдоо көрсөтүлүп келет. Бул ирет да фонддун колдоосу менен философия илимдеринин кандидаты, КР Маданиятына эмгек сиңирген ишмер ,КР Улуттук Жазуучулар жана Журналисттер союздарынын мүчөсү Эрмек Үмөтовдун “Философия “ негизги түшүнүктөр жана лекциялардын курсу аталышындагы автордук китеби , окуу программасы, “Кыргыз элинин рухий баалуулуктары же жашоо философиясынын айрым багыттары” аттуу монографиясы жарык көрдү. Ал үчүн фонд тарабынан 150 000 миң сом бөлүнүп берилген. Аталган китептер ТалМУнун Д. Казакбаев атындагы илимий китепканасына тапшырылды.
Буга кошумча адамзат тарыхында философия тармагына олуттуу салым кошкон белгилүү философтордун жана ойчулдардын рамкага салынган сүрөттөрү Талас Мамлекеттик университетинин имаратына илинди. Жалпы 32 даана сүрөт илинип, ага фонд тарабынан 64 миң сом каражат жумшалды.
Эрмек Асанович, ишиңизге ийгилик каалайбыз!
