Талас мамлекеттик университетинин студенттери Улуу Британияда эмгек акы төлөнүүчү практикага өтүү мүмкүнчүлүгүнө ээ болушту.
Бүгүн, 21-ноябрда, Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору британиялык “HOPS Labor Solutions Ltd” оператору менен биргеликте Талас мамлекеттик университети менен кызматташуу келишимине кол койду.
Кызматташуунун максаты-Улуу Британияда сезондук айыл чарба иштери программасынын алкагында студенттердин стажировкаларын уюштуруу.
Келишимдин шарттарына ылайык, Талас мамлекеттик университетинин студенттерине 2025-жылга карата пилоттук долбоордун алкагында жайкы каникул учурунда Улуу Британияда эмгек акы төлөнүүчү стажировкадан өтүүгө кошумча мүмкүнчүлүк алышат.
