«АИВ: билим сенин коопсуздугуң, дарылануу — сенин ден соолугуң» ураанынын алкагында бир айлыктын Бүткүл дүйнөлүк СПИД ге каршы күрөшүү күнүн өткөрүү, ВИЧ илдетинин жайылуусун, алдын алууга жана илдеттин бардык аспектилери тууралуу иш-чара Талас мамлекеттик университетинин жыйындар залында болуп өттү.
Иш чаранын максаты — калк арасына ВИЧ инфекциясынын жайылышын жана илдеттин алдын алуу көйгөйүнө коомчулуктун, жаш муундун көңүлүн буруу, калк арасында кеңири түшүндүрүү иштерин жүргүзүү.
Семинардын жүрүшүндө видео тасма көрсөтүлүп, студенттер арасында сурамжылоо алынды, экспресс -тест жүргүзүлдү. Презентация статистикалык маалымат, эпидемиологиясы боюнча маалымат беришти.
Талас облусттук кан аркылуу жугуучу вирустук гепатиттерди жана ВИЧти көзөмөлдөө борборунун директору Алишерова Гульмира Шайлообековна баштаган дарыгерлер тобу,
«21-кылымдагы жаштардын ден соолугу жана билими» коомдук фонду, аутрич кызматкерлер: Байдовлетова Назгуль менен Абдалы уулу Нурбек тер катышышып, замандын талабына ылайык керектүү маалыматтарды беришти. Жыйынтыгында, иш-чарага активдүү катышкан жана уюштурушкан Табият таануу кафедрасынын башчысы З.М. Ташибековага, ага окутуучу Н.К.Шабдановага ыраазычылык каттар тапшырылып, кафедранын жамаатына ыраазычылык айтылды.
