2024-жылдын 29-ноябрында Талас областтык статистика башкармалыгында ачык эшиктер күнү болуп өттү.
Иш-чаранын ачылышында Талас областтык башкармалыктын жетекчиси Бороков Бакирдин катышуучуларды жылуу тосуп алып, келгендерге ыраазычылык билдирип, статистиканын коомдогу маанилүү орду жана ролу тууралуу кыскача сөз сүйлөдү.
Башкы адис Данько Виктория Талас облусунун финансылык көрсөткүчтөрү боюнча кызыктуу презентация жасап, аймактын экономикалык абалына байланыштуу кенен маалымат берди. Ошондой эле демографиялык көрсөткүчтөрдүн анализин башкармалыктын адиси Арыкбаев Чолпон түшүндүрүп, катышуучуларга терең маалымат жеткирди.
Иш-чара учурунда студенттер тарабынан көптөгөн кызыктуу суроолор берилди. Аларга адистер толук жооп кайтарып, статистикалык маалыматтарды колдонуу боюнча пайдалуу кеңештерин бөлүшүштү.
Бул күн экономика жана менеджмент кафедрасынын окутуучулары жана экономика багытында окуган студенттер үчүн статистиканын практикалык колдонуусу менен таанышууга чоң мүмкүнчүлүк түздү. Иш-чара өз ара пикир алмашуу жана талкуулар менен жогорку деңгээлде өттү.
