ТалМУнун ректору Жыргалбек Шаршембиев
8-март Айымдардын эл аралык күнү менен куттуктап, жакшы тилектерин билдирди.
Урматтуу Талас мамлекеттик университетинин айымдары!
Бекеринен кыргыз элинде “Бейиш -эненин таман астында” деп айтылбайт экен. Энелерди, аялзатын ардактаган гана адамдар эки дүйнөнүн тең бейишине татыктуу. Сиздер бир гана “ЭНЕ” эмес, “ЭНЕ-МУГАЛИМСИЗДЕР!”
Сиздер өзүңүздөрдүн уул-кыздарыңыздарга гана билим, тарбия бербестен жалпы кыргыз элинин уул-кыздарына татыктуу тарбия жана билим берип келесиздер!
Сиздердин ар бириңиздерге өз ишиңиздерге так жана жооптуу мамилеңиздер үчүн мен терең ыраазычылык билдирем!
Сиздердин ак мээнетиңиздер, акылмандыгыңыздар жана чыдамкайлыгыңыздар аркылуу Талас мамлекеттик университети сөзсүз Кыргызстандагы алдыңкы жогорку окуу жайларынын сап башынан орун алат деп мен терең ишенем!
Ар бириңиздерге ачык маанай, бекем ден-соолук, жүрөгүңүздөргө тынчтык, узун жана бакубат өмүр сүрүүңүздөрдү каалайм деген ойлорун айтты.
Ушул күндү утурлай жалпы айымдардын урматына маданий иш- чара уюштурулду.
ТалМУнун, Кесиптик кошундун грамоталары тапшырылып, маанайды көтөргөн жагымдуу ырлар аткарылып, гүл беришти.
