“Кыргыз Республикасынын аймагындагы жаштар арасында баңгизатка каршы күрөшүүдөгү баңги кырдаал” аталышындагы семинар-тренинг Талас мамлекеттик университетинин жыйындар залында 17- мартта болуп өттү.
Семинарга КР ИИМдин Баңгизаттарды мыйзамсыз жүгүртүүгө каршы күрөшүү кызматынын бөлүм башчысы К.И.Усенов, КРССМНПБнун жашы жете элек балдарга жардам көрсөтүү боюнча бөлүм башчысы Т.А.Сагымбаева, Бишкек шаардык мэриясынын алдындагы “Балдарга колдоо көрсөтүү борборунун” психологу Г. Исабековалар катышып, кызыктуу тренинг өтүп беришти.
Азыркы учурда жаштар арасында баңги заттардын колдонулушу, анын ден -соолукка тийгизген терс таасирлери тууралуу видео-слайддар көрсөтүлүп, түшүндүрүү иштери жүргүзүлдү. Студенттер тарабынан азыркы учурда жаштар арасында колдонулуп жүргөн наркотикалык заттар тууралуу суроолор берилип, болуп жаткан фактылардын негизинде жооп беришти.
Жыйынтыгында, мамлекеттик тил боюнча проректор К.Т.Жунусалиева келген конокторго окуу жайдын атынан ыраазычылык билдирип, баңгизатты колдонууга каршы күрөшүү ар бир жарандын милдети экендигин белгилеп,
“Биз баңгизатты колдонууга каршыбыз”! деген чакырык менен сөзүн аяктады.
