Кыргыз Республикасынын Президентинин N 369 “ Улуттук дем—дүйнөлүк бийиктик” уңгу жолу жөнүндө Жарлыгын, N303 “2022-2027-жылдарга улуттук наркты сактоо жана өнүктүрүү жөнүндө” улуттук программаны бекитүү тууралуу Жарлыгын, Кыргыз Республикасында 2021-2025-жылдары мамлекеттик тилди өнүктүрүү жана тил саясатын ишке ашыруу максатында 21-март Нооруз майрамына карата Талас мамлекеттик университетинде маданий иш- чара болуп өттү.
Иш-чарага ТалМУнун институттарынын ортосунда улуттук наркты, салтты даңазалаган алдын ала берилген тапшырманын негизинде “Кыз узатуу”, “Үйлөнүү тою”, “Бешик той” жана “Куда тосуу” шарттарын камтыган программадагы кароо- сынак тартууланды.
Сынакка институттардын жамааты кызуу даярданышып, элибизде орун алып жүргөн ашыкча ысырапкорчулукка бөгөт коюуну даңазалаган көрүнүштөрдү көрсөтүштү.
Алгачкы сөздү ТалМУнун ректору Ж.С.Шаршембиев жалпы жамаатты улуттун улуу майрамы болгон Нооруз майрамы менен куттуктап, иштерине ийгилик, ынтымак ,ырашкерликти каалап, окутуучу, кызматкерлерди ТалМУнун Ардак грамоталары менен сыйлады. Андан соң кароо-сынак башталып, калыстар тобу калыстык менен карашып, институттун жамааттары абдан мыкты даярдыктары менен келгендиктерин белгилешип, ар бир командага ректорат тарабынан 5000 сом өлчөмүндө акчалай сыйлык беришти.
Жыйынтыгында ,маанайды көтөргөн музыкалык номерлер тартууланып , жалпыга сүмөлөк таратылды.
