2025-жылдын 18-апрелинде Улуттук Манас Академиясынын президенти Биймырза уулу Азиз мырза жана вице-президенти Аалы кызы Назира айым менен жолугушуу өткөрдүм. Талас мамлекеттик университети менен келечекте ар тараптуу багытта кызматташуу боюнча меморандум түзүүнү макулдаштык. Дүйнөнү дүңгүрөткөн Манас эпосун орус тилине которуу, Таластан чыккан залкар манасчы Балыкооздун быйыл күзүндө 225 жылдык мааракесине арналган илимий-практикалык конференцияны биргелешип өткөрүү тууралуу орошон ойлорду ортого салдык. 10-кылымда чачыраган 40 уруу кыргызды бириктирип бир журт кылган Манас баатырдын жөрөлгөсүн туу тутуп, анын ошол кездеги аткарган Улуу миссиясы бүгүнкү күнү дагы актуалдуу жана улуттук идеологиянын сап башында экендиги тууралуу кеп кылдык.
Мага тартуулаган китеп белектериңизге терең ыраазычылык билдирем!
