Талас мамлекеттик университетинин алдындагы Б. Исаков атындагы окуу-тарбия комплексинин окуучуларынын акыркы коңгуроо салтанаты болуп өттү.
Салтанатты окуу-тарбия комплексинин директору А.М.Бутешова ачып, бүтүп жаткан 9,11- класстын окуучуларын бүтүрүү майрамы менен куттуктады.
Ректораттын атынан ТалМУнун мамлекеттик тил, инфраструктураны өнүктүрүү жана эл аралык байланыштар боюнча проректору К.Т.Жунусалиева, АБТИнин директору З.Т.Койчуманов куттуктоо сөз сүйлөшүп, аттанган сапарлары байсалдуу болуп, келечекте мыкты кесиптин ээлери болушуна, алдыдагы мамлекеттик сынактарды ийгиликтүү тапшырышына тилектештигин билдиришти.
Ата-энелердин атынан куттуктоо жолдошуп, окуткан эже-агайларына ыраазычылык билдиришти. Мыкты окуган , активдүү студенттерге грамоталар тапшырылды.
“Жылдын мыкты окуучусу” конкурсунун жеңүүчүлөрүнө атайын төш белгилер тапшырылды. Кечени маданий программа коштоп, бүтүрүүчүлөрдүн маанайын көтөрүштү.
