“Өткөндү эстебей,келечекке кадам таштай албайсың” аттуу темада КРнын Президентинин Талас облусундагы ыйгарым укуктуу өкүлчүлүгү менен Талас мамлекеттик университетинин гуманитардык-юридикалык институтунун, тарых жана укук кафедрасы менен бирдикте иш-чара болуп өттү. Алгач Талас мамлекеттик университетинин мамлекеттик тил, инфраструктураны өнүктүрүү жана эл аралык байланыштар боюнча проректору К.Т.Жунусалиева ачып, иш-чаранын өтүшүнө ийгилик каалады.Андан соң Кыргыз Республикасынын Президентинин Талас облусундагы ыйгарым укуктуу өкүлүнүн орун басары М.Э. Сейдикеримова куттуктап, бүгүнкү күндүн тарыхына токтолуу менен тарыхыбызды муундан муунга сактап, жеткирүү биздин милдетибиз деп баса белгиледи.Видео куттуктоолор берилип, чакырылган коноктор куттукташып, эскеришип, сунуштарын айтышты. Иш-чаранын катышуучулары К.Кеңешбеков атындагы тарыхый музейи менен таанышып, кол өнөрчүлөр тарабынан уюшулган улуттук кийимдерди чагылдырган “Марал” сулуулук этно үйүнүн уюштурган көргөзмөсү (заманбап улуттук кийимдердин парады)менен таанышышты.“”Тарыхы болбой эл болбойт, тамыры болбой дарак болбойт” демекчи , тарыхызды сактап, урпактарга жеткирели. Уюштуруучуларга ыраазычылык билдиребиз!
