Кыргыз Республикасынын Илим, жогорку билим берүү жана инновациялар министрлигинин 2025-жылдын 31-июлундагы N460 “Кыргыз Республикасында жаңы баңгизаттардын, жаңы психоактивдүү заттардын, предпрекурсорлордун жана прекурсорлорду алмаштыруучулардын пайда болушу жөнүндө эрте кабарлоо механизми жөнүндө”, Кыргыз Республикасынын Министрлер Кабинетинин токтомун ишке ашыруу максатында профилактикалык иш- чаралардын планы түзүлүп, иштер жүргүзүлүп жатат.
Бүгүн Талас мамлекеттик университетинде “Бангизатка көз карандылык: себептери, кесепеттери жана алдын алуу жолу” деген темада семинар- талкуу болуп өттү.
Семинарга УКМК нын Талас облустук башкармалыгынын кызматкери ,Талас облустук ички иштер башкармалыгынын кызматкерлери А.Ш.Абасканов, К.Т. Эшалиев, Талас шаардык ички иштер бөлүмүнүн кызматкерлери Т.Бактыбеков, Н.А.Сарногоев жана Талас облустук Уй булолук медицина борборунун ден соолукту чыңдоо борборунун координатору Г.О.Карабаева, облустагы наркология борборунун дарыгери З.Э.Абылгазиева жана студенттер катышышты. Алгач сөздү Мамлекеттик тил, инфраструктураны өнүктүрүү жана эл аралык байланыштар боюнча проректор К.Т. Жунусалиева ачып, баңгизат учурда коомдун жана келечектин көйгөйлүү маселеси экендигине токтолуп,эң маанилүү маселе алдын алуу , маалымат берүү экендигин баса белгиледи. Баңгизат тууралуу видео- слайд көрсөтүлүп, түшүндүрмөлөр берилди.
Баңгизаттарга көз карандылык- бул адамдын ден соолугуна, психологиясына жана социалдык жашоосуна олуттуу зыян келтирген кооптуу көрүнүш. Айрыкча жаштар арасында бул маселеге өзгөчө көңүл буруу экендигин баса белгилешти. Талкуу жандуу өтүп, студенттер кызыккан суроолорун беришип,жооп алышты.
Жыйынтыгында, маалымат алуу, сергек жашоону тандап алуу- бул баңгиликке каршы эң күчтүү курал экендиги айтылды.
