Жогорку окуу жайларда каржылык автономияны
өнүктүрүү эл аралык долбоордун жолугушуусу

2-3-февраль күндөрү И. Раззаков атындагы Кыргыз мамлекеттик техникалык университетинде DEFA (жогорку окуу жайларда каржылык автономияны өнүктүрүү) аттуу эл аралык долбоордун катышуучуларынын биринчи жолугушуусу болуп өттү. Консорциумга Германия, Италия жана Кыргызстандын 12 жогорку окуу жайы кирет, анын курамында Талас мамлекеттик университети дагы бар. Эл аралык долбоордун алкагында жогорку окуу жайларынын каржылык автономиясынын модели иштелип чыгат. Жолугушууда окуу жайлардын жетекчилери долбоор боюнча иш алып баруу пландарын карап чыгышты. Ошондой эле долбоордун максат-милдеттери жана жыйынтыгы тааныштырылып, долбоордун алкагында иштөө милдеттери бөлүштүрүлдү. Жыйынга Кыргыз Республикасынын Билим берүү жана илим министрлигинин, Кыргызстандагы Ерасмус+ офисинин жана долбоордо өнөктөш жогорку окуу жайлардын өкүлдөрү катышты.