“Студенттер – билимдүү, бирдиктүү Кыргызстан үчүн! ” достук фестивалы

2021-2026-жылдары Кыргыз Республикасында “Кыргыз жараны” деп жарандардын өзүн таануусун өнүктүрүүнүн концепциясын, Кыргыз Республикасынын Президентинин “Инсандын руханий адеп-ахлактык өнүгүүсү” жана Кыргыз Республикасынын ЖОЖдорунун ортосундагы академиялык мобилдүүлүк программасы боюнча кол коюлган декларациянын алкагында “Студенттер – билимдүү, бирдиктүү Кыргызстан үчүн!” достук фестивалы 15-16-17-июнь күндөрү Б.Осмонов атындагы Жалал-Абад мамлекеттик университетинде болуп өттү.
Фестивалга 7 окуу жайдын ректорлору, проректорлору жана таланттуу студент жаштары катышты.
Алгач окуу жайдын ректору, т.и.доктору, профессор К.Ж.Усенов куттуктоо сөз сүйлөп, келген конокторго ыраазычылыгын билдирип, фестивалдын ишине ийгилик каалады. Андан сон КРнын Билим берүү жана илим министрлигинин тарбия иштери боюнча секторунун башкы адиси М.Т.Мамытова, о.э. катышып жаткан окуу жайдын жетекчилери студенттерди Достук фестивалы менен куттукташып, мобилдүүлук программасы ийгиликтүү ишке ашып, ЖОЖдор ортосундагы кызматташуу өсө беришине тилектештиктерин билдиришти.
Жобонун негизинде студенттер маданий программаларын тартуулашты.
Жыйынтыгында мыкты номинациялар үчүн дипломдор, Талас мамлекеттик университетине ЖАМУнун Ардак грамотасы жана акчалай сыйлык тапшырылды.