Илимий-техникалык кеңештин отуруму кеңештин отуруму

ТалМУда облустук илимий-техникалык кеңештин отуруму болуп, мамлекеттик илимий долбоорлор каралды. Анда облустун социалдык-экономикалык абалын жакшыртуу, потенциалын көтөрүү жана экология, билим берүү, тарбия маселелерин чечүүгө багытталган илимий долбоорлор талкууга алынып, ой-пикир, сунуштар айтылып, актуалдуу темалар тандалып алынды. Эскерте кетүүчү жагдай, илимий-техникалык кеңештин курамында негизинен Талас мамлекеттик университетинин окумуштуулары басымдуулук кылат. Себеби университетте бүгүнкү күндө 43 илимий даражалуу окумуштуу эмгектенет. Анын ичинде 5 илимдин доктору, 38 илимдин кандидаты бар. 2022-2023-окуу жылында эле 2 илимдин кандидаты дипломдорун алышса, 2-жарым жылдыкта 1 илимдин кандидаты диссертациясын ийгиликтүү коргоду. 2 изденүүчүнүн кандидаттык диссертациялары кафедралардын талкуусунан өттү. Ошондо штаттагы профессордук-окутуучулар курамынын илим боюнча сапаттык көрсөткүчү 41 пайызды түзөт.