Аксы окуясына жана март, апрель революцияларына арналган иш-чаралар Кыргыз Республикасынын бардык региондорунда өтүп жатат. Талас мамлекеттик университетинде да «Элдик революциялар: кыргыз элинин адилеттик жана акыйкаттык үчүн жасаган күрөшүнүн натыйжалары» аттуу илимий-практикалык конференция 4-мартта болуп өттү.
Аталган конференцияда пленардык баяндамаларга тарых илимдеринин кандидаты, доцент М.М.Жусупова «Аксы окуясынын Кыргызстан тарыхындагы ээлеген орду», ага окутуучу С.Т.Сатаева «2005-жылы 24-марттагы революция», ага окутуучу Т.К.Көкөев «Апрель революциясы: себептери, сабактары жана анын тарыхтагы орду», Бакай-Ата районунун А.Арстанов атындагы орто мектептин тарых мугалими А.Ж.Стамалиева «Элдик революциялардын жаш муундарга тарбия берүүдөгү орду» аттуу баяндамалар окулуп, Аксы жана март, апрель революцияларынын кыргыз тарыхындагы ролу, орду, мааниси илимий аспектиден талданып, коомго бул революциялардын маанисин кеңири жайылтуу, жаш муундарды тарбиялап-окутуу боюнча резолюция кабыл алынды.
Областтык масштабда өткөрүлгөн илимий-практикалык конференцияга КР Өкмөтүнүн Талас облусундагы ыйгарым укуктуу өкүлүнүн биринчи орун басары Ч.А.Төрөкулов, «Айкөл Ала-Тоо» жарадарлар коомдук-бирикмесинин Талас областы боюнча кординатору К.М.Бекмуратов, согуштук, куралдуу күчтөрдүн ардагерлеринин жана оруктагы эмгекчилердин Талас облустук кеңеш коомдук бирикмесинин төрагасы М.М.Мамбеталиев, ТалМУнун окуу жана илимий иштери боюнча проректору М.С.Тургунбаев, «Мекен шейиттери» коомунун өкүлдөрү, областтык, шаардык аткаруу бийлигинин өкүлдөрү жана ТалМУнун окутуучулары менен студенттери катышты.
