Талас шаарындагы “Кырк-Чоро” кинотеатрында күз берекесин даңазалаган студенттер арасында “Күзгү сыйкыр”, “Алтын күз”, “Күз балдары” жана “Күзгү микс” аталыштагы төрт командадан турган кароо-сынак өттү. Кароо-сынактын жобо шартында саламдашуу, жандуу үн менен ырдоо, флешмоб, вальс жана “Күзгү мода- 2024” программасы уюшулган.
Сынакты ТалМУнун ректору, техника илимдеринин доктору Ж. С. Шаршембиев куттуктоо сөзүн айтып, катышуучу командаларга ийгилик каалады.
Сынакта ат салышууда төрт команда тең бири-бири менен атаандашуу менен өз өнөрлөрүн кызуу даярдык менен жогорку деңгээлде өткөрүштү. Айрыкча алардын ой-чабыттарынан даярдалган “Күзгү мода-2024” көргөзүүдөгү модалуу кийимдери жөнөкөй буюмдар менен шөкөттөлүп, ажайып кооздугу көзгө дароо урунду. Мында студенттер көп мээнет жумшап, мыкты даярданышкандыктары көрүнүп турду.
Сынактын шарты адаттагыдай эле жеңүүчүлөргө 1-2-3-орун, жеңилгендерге кызыктыруучу сыйлык каралган. Бирок 4 командадан 2 команда 72 упай, 2 команда 67 упай болуп тең болуп чыкты.
Калыстар тобу студенттердин чыгармачылык менен ойлоп-табууларына кылдаттык менен анализ жүргүзүшүп, жыйынтыгында I орунга КОБББ (колледж) жана ТЭФ факультети ээ болушту. Ал эми II орун ГФ, ТТПФ факультеттерине ыйгарылды.
Мындай сынактардын өткөрүлүп турушу, студенттердин чыгармачылык дараметин жогорулатууга дем-күч берип, алга умтулуусуна шарт түзөөрү талашсыз.
Майрамдын соңунда ТалМУнун филология илиминин кандидаты доцент К.Т. Жунусалива ТалМУ тарабынан жеңүүчүлөргө Ардак грамота, акчалай сертификаттарын тапшырды.
Ошондой эле сынакка катышкан калыстар тобуна жана активдүү катышкан жалпы студенттерге ыраазычылыгын билдирди. Алтын күз майрамы таланттуу студенттердин шаңдуу ыр-бийлери менен коштолду.
