Талас мамлекеттик университетинде “АИВ билим — сенин коопсуздугуң, дарылануу — сенин ден соолугуң” деген ураан чакырылыш менен студенттер менен тегерек стол болуп өттү.
Уюштуруучу окутуучу Козубекова Жаңыл Токтобековна жана ПНО-22 группасынын студенттери.
Тегерек столдун жүрүшүндө азыр ВИЧке кабылгандардын саны көбөйгөндүгү, элдин арасына таралуусунун алдын алуунун бирден-бир жолу- ВИЧке кабылгандарды өз убагында дарылап, жукпай турган абалга жеткиришибиз керек экендиги талкууланды.
Тегерек столдун катышуучулары көптөгөн маалыматтарды ала алышты. Студенттер тарабынан тематикалуу сценка аткарылды.
Талас облустук кан аркылуу жугуучу вирустук гепатиттерди жана АИВди көзөмөлдөө борборунун кызматкерлери Султанова Т.К. , Жамалбекова Т. , Камаева Х. пайдалуу маалыматтары менен бөлүшүштү. Педагогика кафедрасынын башчысы,педагогика илимдеринин кандидаты,доцент Умарбекова Анара Анарбаевна, ТалМУнун мамлекеттик тил боюнча проректору,филология илимдеринин кандидаты,доцент Жунусалиева Кундуз Тотоновна студенттерге билимдүү коом жогорудагы коркунучтуу дарттардан алыс болорлугун айтып өтүштү.
