2025-жылдын 8–10-сентябры аралыгында АКШнын Кыргызстандагы элчилигинин коомчулук менен байланыш боюнча кызматкерлери Итан Тэйбор жана Америка бурчтарынын Кыргызстан боюнча координатору Айгерим Курманалиева Талас облусуна иш сапар менен келишти. Сапардын алкагында алар америкалык программалардын бүтүрүүчүлөрү, ошондой эле Талас мамлекеттик университетинин окуу жана илимий иштер боюнча проректору Анаркул Сурапов менен жолугушушту. Проректор жана Америка бурчтарынын координаторлору менен болгон жолугушууда алар Америка бурчунун мындан аркы иш планы жана программалар тууралуу талкуулашты.
