Америкалык DevX IT мектеби

Америкалык DevX IT мектебинин негиздөөчүсү Асхар Мусакунов ТалМУнун окутуучуларына, студенттерине жана Талас облусунун жаштарына, мектеп окуучуларына IT — мектеп тарабынан уюштурулуучу курстар тууралуу кеңири маалымат берип, катышуучулар тарабынан берилген суроолорго жооп берди. Ушул 2022-жылдын октябрь айынан тарта Apple, Amazon, Meta, Microsoft компанияларында иштеген адис-окутуучулар 18 айлык IT курстарды өтүп башташат. Курстун алгачкы 2 айында англис тили менен программалоонун негиздери окутулса, кийинки этабында IT тармагындагы заманбап 7 багыт боюнча билим алышат. Үчүнчү этабы стартаптарды ишке ашыруу аркылуу тажрыйба топтоо менен жыйынтыкталат. Курстар англис тилинде окутулуп өтүлгөндүктөн, IT чөйрөсүндө иштөө мүмкүнчүлүктөрү кеңейет. Окуу акысы Талас региону үчүн ай сайын 120 доллар. Курска катталуу DEVX. KG сайты, же ТалМУнун сырткы байланыштар бөлүмү (ilim.talsu2017@gmail.com) аркылуу жүргүзүлөт.

Оставьте комментарий

Ваш адрес email не будет опубликован. Обязательные поля помечены *

Scroll to Top