Warning: The magic method Gallery_Img::__wakeup() must have public visibility in /var/www/vhosts/talsu.kg/httpdocs/wp-content/plugins/gallery-images/gallery-images.php on line 97
“Салттуу билим жана заманбап технологиялар: баланы өнүктүрүүдөгү жана тарбиялоодогу жаңы мамилелер” аттуу XI эл аралык илимий-практикалык симпозиум болуп өттү – Талас мамлекеттик университети
Notice: WP_Scripts::localize was called incorrectly. The $l10n parameter must be an array. To pass arbitrary data to scripts, use the wp_add_inline_script() function instead. Please see Debugging in WordPress for more information. (This message was added in version 5.7.0.) in /var/www/vhosts/talsu.kg/httpdocs/wp-includes/functions.php on line 5775

6-7-май күндөрү Талас мамлекеттик университетинде “Салттуу билим жана заманбап технологиялар: баланы өнүктүрүүдөгү жана тарбиялоодогу жаңы мамилелер” аттуу XI эл аралык илимий-практикалык симпозиум болуп өттү. Ал Кыргыз Республикасынын Билим берүү жана илим министрлиги, Республикалык педагогикалык кызматкерлердин квалификациясын жогорулатуу жана кайра даярдоо институту, Кыргыз Республикасынын Президентине караштуу Мамлекеттик тил жана тил саясаты боюнча улуттук комиссиясы жана “Ыйык Ата Журт” коомдук жаштар фонду менен биргеликте уюштурулуп өткөрүлдү. Симпозиумдун ачылышында КРнын билим берүү жана илим министринин орун басары У.Э.Мамбетакунов, ТалМУнун проректору С.С.Жумалиев, Республикалык педагогикалык кызматкерлердин квалификациясын жогорулатуу жана кайра даярдоо институтунун директору А.Д.Токтомаметов, “Ыйык Ата Журт” коомдук жаштар фондунун төрагасы Жаныбек уулу Нурсултан куттуктоо сөздөрүн сүйлөшүп, анын жүрүшүнө ийгилик каалашты. Пленардык баяндамаларды белгилүү профессорлор А.Д.Токтомаметов, Д.А.Шаматов, Д.С.Ураимова, доктор Нур Шамс Уддин, доцент А.А.Умарбековалар окушуп, суроолорго жооп беришип, катышуучулар менен кызуу талкуу жүрдү. Андан кийин 8 багыт боюнча секциялык иштер жүрүп, 5 тема боюнча мастер-класстар өткөрүлдү. Жыйынтыктоочу бөлүктө резолюция кабыл алынып, катышуучуларга сертификаттар, ыраазычылык каттар, грамоталар, белектер салтанаттуу тапшырылды. Маданий бөлүктө концерттик программа тартууланып, “Манас Ордо” Улуттук комплексине зыярат жасоо, баарлашуу, пикир алышуу менен симпозиум жыйынтыкталды.

By

Leave a Reply

Your email address will not be published.