Notice: WP_Scripts::localize was called incorrectly. The $l10n parameter must be an array. To pass arbitrary data to scripts, use the wp_add_inline_script() function instead. Please see Debugging in WordPress for more information. (This message was added in version 5.7.0.) in /var/www/vhosts/talsu.kg/httpdocs/wp-includes/functions.php on line 5777

Талас мамлекеттик университетинин жамааты Жогорку кеңештин депутаты Чойбеков Бактыбек Каныбекович менен жолугушту. Жолугушууда эл өкүлү агартуу тармагындагы көйгөйлүү маселелерди биргелешип чечүү багытында максаттуу кызматташуунун зарылдыгын белгиледи. Өз кезегинде университеттин окутуучулар жамааты дагы суроолорду беришип тиешелүү жоопторду алышты. Жогорку кеңештин депутаты өз кезегинде мындай деди: “Биздин командабыздын ишиндеги артыкчылыктуу багыт – бул билим берүү. Дал ушул тармакка колубуздан келишинче пайдабызды тийгизүүгө аракет кылып келе жатабыз. Таласка кандай иш сапар менен барбайлы, билим берүү тармагындагы жок дегенде бир маселе менен таанышып келгенге аракет кылабыз. Акыркы иш сапарда дагы мындан жазган жокпуз. Бул жолу облустагы жалгыз жогорку билим берүүчү окуу жайыбыз болгон Талас мамлекеттик университетинин эмгек жамааты менен жолугуштук. Көйгөйлөр көп. Спорт зал жана жатакана жок. Окуу корпуста капиталдык оңдоп-түзөөгө муктаж. Бирок, ага карабастан бир топ ийгиликтери дагы бар экен. Чындыгын айтыш керек, регионалдык ЖОЖдорго мамлекет тарабынан жетиштүү деңгээлдеги көңүл бурулбай жатат. Эгерде тийиштүү шарттар түзүлсө, ЖОЖдор региондун илимий-маданий борбору, инвестицияларды тартуунун локомативи болууга толук мүмкүнчүлүктөрү бар. Бир эле мисалды айтайын, региондордогу ЖОЖдорго чет элдик студенттерди тартуунун үстүнөн иш алып барсак жакгы болмок. Ар бир студент – бул өзүнчө бир инвестор. Ал тамак жейт, бир жерде жашайт, логистика менен колдонот, кийинет ж.б. Ал үчүн шарт түзүш керек.Мындан башка дагы ойлор көп. Алар боюнча убактысы келгенде бөлүшөм. Баса, окуу жайдын китепканасына 2019-жылы схемалар жана таблицалар түрүндө жазып чыккан Кыргыз Республикасынын конституциялык укугу боюнча китебибизден белек кылдык.”

By

Leave a Reply

Your email address will not be published.