Кыргыз Республикасынын Жогорку Кеңешинин депутаты, «Ыйман нуру» фракциясынын лидери Нуржигит Кадырбеков ТалМУда болуп, студенттер менен жолугушту. Ага ТалМУнун ректору А.Ш.Упенов, ТалМУнун бүтүрүүчүлөр ассоциациясынын башчысы Н.Султанкулов жана окутуучулар, студенттер катышты. КРнын Жогорку Кеңешинин депутаты Нуржигит Кадырбеков жогорку билим алуу, китеп окуунун пайдасы, маданият, ыйман, адеп-ахлактык баалуулуктар жөнүндө кызыктуу маалыматтарды айтып, сапаттуу билим алуу окуу жайдын статусуна эмес, студенттин өзүнүн жеке кызыгуусуна, умтулуусуна тыгыз байланыштуу экенин, алдына максат койгон адам сөзсүз ийгиликтерге жетише аларын баса белгилеп, ал үчүн жакшы окуп, активдүү болуп, чыгармачылык менен аракеттенүү керектигине токтолду. Студенттер билим, илим, чыгармачылык, жаштар иштери, окуу жайдын көйгөйлөрү ж.б. маселелери боюнча суроолорун беришип, талкууга активдүү катышып, окуу жайдын спорттук залынын курулушуна көмөк көрсөтүү боюнча депутатка кайрылуу жолдошту. Соңунда университеттин ректору А.Ш.Упенов студенттерге мотивация берип, жолугушуп жатканы үчүн КРнын Жогорку Кеңешинин депутаты Нуржигит Кадырбековго ыраазычылыгын билдирип, мындай жолугушуулар дагы улана берерин айтты.
