Иш-чарага ТалМУнун мамлекеттик тил, инфраструктураны өнүктүрүү жана эл аралык байланыштар боюнча проректору К.Т.Жунусалиева, ПжМКЖИнун директору А.Ж. Ажибаева , окутуучулар жана студенттер катышышты. Слайддар көрсөтүлүп, туунун кыргыз эли үчүн ыйык жана баа жеткис, мамлекеттүүлүктүн символдорунун бири экендиги,желектеги белгилер элибиздин улуттук руханий дүйнө таанымын жана басып өткөн тарыхый жолун билгизип турары жөнүндө айтып беришти. Андан соң, Ак калпактын маанисин, анын символикасын жана кыргыз элинин жашоосундагы ордун талкуулашты. Улуттук баш кийимдин тарыхы жана мааниси боюнча баяндамалар жасалып, ошондой эле ак калпак тууралуу кызыктуу фактылар бөлүшүлгөн презентация уюштурулуп, кыргыз элинин маданияты тууралуу тереңирээк маалымат алууга жана салттарды сактоонун маанилүүлүгүн түшүнүүгө мүмкүнчүлүк түздү.
Жаш куракка ылайыкталып тигилген калпактардын көргөзмөсүн уюштуруп,ыр саптары менен чечмелеп беришти.
